Belgili quqyq qorǵaýshy Aitbek Amangeldi bir top buzaqynyń qolynan qaza tapqan 16 jastaǵy Sherzat Bolattyń isi boiynsha sot protsesi qai ýaqytta ótýi múmkin ekenin aitty, dep habarlaidy Dalanews.kz.
Onyń sózinshe, tergeý áli de jalǵasyp jatyr.
“Boljam boiynsha, naýryz aiynda ótýi múmkin. Alaida bul ýaqyttan erte nemese kesh bolýy da múmkin. Qazir tergeý aiaqtalý kezeńine jaqyn. Odan keiin eki taraptyń is materialdarymen tanysý bastalady. Bizden bólek, taǵy 11 kúdikti men olardyń advokattary bar. Olar da ispen tanysyp, óz tarapynan ótinishterin bildirýi múmkin. Odan keiin is prokýratýraǵa jiberilip, protsestik zań buzýshylyqtardyń bar-joǵy tekseriledi. Sodan soń is sýdiany anyqtaý úshin sotqa joldanady. Sýdia óz jumys kestesine sáikes aldyn ala tyńdaý kúnin belgilep, sodan keiin negizgi sot talqylaýy bastalady”, — dep jazdy ol.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 11 adam ustalyp, ýaqytsha ustaý izoliatoryna qamaýǵa alyndy.
Kóp uzamai, iaǵni 9 jeltoqsanda marqum Sherzat Bolattyń aǵasy Nurqanat Ǵaiypbaev ajal qushty. Politsiia departamentiniń aldyn ala derekteri boiynsha onyń sýitsid jasaǵanyn málimdedi. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
Habarlamada ol týysqandarymen qoshtasyp, jieniniń janyna jerleýdi suraǵan. Bul fakti boiynsha qylmystyq is qozǵaldy.
Al 10 jeltoqsanda onyń ólimine qatysty saraptama qorytyndysy shyqty.
"Sot-meditsinalyq saraptamanyń aldyn ala boljamy boĭynsha, 9 jeltoqsanda Talǵardyń shetinde tabylǵan 30 jastaǵy er adamnyń máĭiti ózin-ózi asý arqyly mehanikalyq asfiksiia nátijesinde bolǵanyn kórsetti. Denesinde zorlyq-zombylyq sipattaǵy belgiler joq.
Sarapshylarmen anyqtalǵan dene jaraqattary, mysaly, strangýliatsiialyq jáne moĭynnyń abraziialary asylǵan jipti qoldanǵan kezinde paĭda bolatyn jaraqattarǵa sáĭkes keletinin kórsetti. Barlyq belgiler sýitsidti kórsetedi, moĭynyndaǵy zaqymdaný sipaty mundaĭ jaǵdaĭlarǵa tán", - delingen habarlamada.
Al marqum Sherzattyń ákesi baýyry Nurqanat Ǵaiypbaevty jer qoinyna tapsyrǵanan keiin, buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti.
"Qarjaýbai Nurymov prokýrordyń zańdy saqtaý týraly túsindirmelerin elemedi. Shekten tys agressivti minez-qulyq tanytyp, basqalardy óz-ózine qol jumsaimyn dep qorqytty. Sonymen qatar politsiia qyzmetkerine pyshaqpen shabýyl jasady. Onyń minez-qulqy ózine de, basqalarǵa da qaýip tóndirdi", — delingen habarlamada.
Osylaisha Sherzat Bolattyń ákesi men ápkesi qamaýǵa alyndy.
