Qarjaýbai Nurymovtyń qorǵaýshysy, zańger Meiirman Shekeev sońǵy ýaqytta belgisiz taraptardan qysym kórip júrgenin málimdedi. Ol qoǵamnan qoldaý surap, bul jaǵdaidyń Sherzatqa qatysty isti alǵan sátten bastalǵanyn alǵa tartty, dep habarlaidy Dalanews.kz.
"Sherzattyń isin alǵannan beri maǵan túrli baǵyttan jasyryn qysym kórsetilýde. Buǵan deiin barlyǵyna sabyrmen qarap kelsem de, endi bireýler meni toqtatýǵa tyrysyp jatqandai. Maqsattary – meni apelliatsiialyq sotqa jibermeý me, álde basqa nárse me – ázirge naqty bilmeimin. Biraq Astanadaǵy sýdianyń men aitpaǵan sózdi aitty dep, jeke uiǵarymda oidan shyǵarylǵan ýájder jazýy beker emes ekeni anyq", – dedi ol.
Shekeevtiń aitýynsha, sottalýshylardyń biriniń týysy joǵary laýazymdy memlekettik qyzmette bolýy múmkin degen qaýeset te tarap jatyr.
"Buǵan deiin sottalýshylardyń biriniń týysy ministrlikte isteidi degen sózge mán bermegen edik. Biraq qazir baiqasam, búkil áreket sol jaqtan baǵyttalyp jatqandai. Eger ádiletti sot bolmasa, ádiletti Qazaqstan týraly aitý da artyq. Degenmen, meniń artymda meni qoldaityn halyq barda, eshkim meni syndyra almaidy dep senemin", – dedi zańger.
