Taldyqorǵanda ótip jatqan sotta 16 jastaǵy Sherzat Bolattyń ólimine baılanysty jantúrshigerlik kadrlar kórsetildi. Sottalýshylardyń biri Darhan Áskentaı marqumnyń qansyrap jatqan sátine qatysty suraqtarǵa jaýap berdi, dep habarlaıdy Dalanews.kz.

Sot prosesinde prokýror Erjan Quraqbaev «Sherzatty sol kezde kim urdy?» dep surady.

"Men joǵary kóterilip bara jatqan kezde ony eshkim urmaǵan edi. Onyń qasynda tek bir bala boldy. Sherzattyń janyna bir bala jatty, ol "skoryı, skoryı" dep aıǵaılady", - dep jaýap berdi Darhan Áskentaı.

Memlekettik aıyptaýshy sottalýshyǵa «Jańa vıdeony kórdińiz ǵoı. Nurǵanatty sol jaqqa súırep áketti. Oń jaǵynda Sherzat boldy. Sol kezde Sherzatty kim urdy» dep qaıta suraq qoıdy.

"Súırep áketken joq. Óıtkeni ol myltyqty oqtap jatqan kezde qulap qaldy. Ony eshkim súıregen joq. Men kim urǵanyn bilmeımin. Kórmedim", - dedi ol.

Sonymen qatar Áskentaı mylqtyqty Sherzattyń aǵasy Nurǵanat oqtaǵanyn jáne eki márte atqanyn atap ótti.

"Men myltyqtyń atylǵanyn kórdim. Qaı jaqtan shyqqanym bilmeımin, qasymnan, eki metr jerden Nurǵanattyń myltyǵy atyldy", - dep qosty ol.