Sherzat Bolattyń isinde kýáger retinde tanylǵan Elmira Nurbekova sotta jaýap berýin jalǵastyryp jatyr, dep habarlaidy Dalanews.kz.
Kýágerdiń aitýynsha, sottalýshylardyń biri ony arnaiy kafege shaqyrǵan. Aldymen olar sol jerde bas qosqan, keiin dúken mańyna bet alǵan. Buǵan deiingi sot tyńdaýynda Nurbekova qaqtyǵys kezinde jigitterdi sabyrǵa shaqyryp, janjaldy toqtatýǵa tyrysqanyn málimdegen edi.
Sot barysynda jábirlenýshilerdiń advokaty Meiirman Shekeev Elmira Nurbekovadan Sherzat Bolattyń pyshaq jaraqatyn qai jerden alǵanyn jáne ony qaidan bilgenin surady. Advokat kýágerdiń tergeý kezinde qazaq tilinde jaýap bergenin, al sotta orys tilinde túsinik berip otyrǵanyna da nazar aýdardy. Ol tergeý men sottaǵy kýáger jaýabynyń aiyrmashylyǵyna kúmán keltirdi.
Al Nurbekova eki kún boiy tergeýshilerge jaýap bergenin jetkizdi.
"Oqiǵadan keiin bizdi eki kún boiy sol jerde ustady. Tamaq ta bermedi, uiyqtatpady. Bizden 100-ge jýyq adam jaýap aldy. Sondyqtan ne surap, ne jazǵandary esimde joq. Men jaýapty orys tilinde berdim, biraq olar qazaqshaǵa aýdaryp jazdy. Sol kezde meniń bar maqsatym – tezirek qol qoiyp, úige qaitý boldy", — dedi Elmira Nurbekova sotta.
Eske sala keteiik, 10 sáýirde Taldyqorǵanda Sherzat Polattyń ólimine qatysty sot protsesi bastaldy.
Sotta prokýror kúdiktilerdiń esimderin atady:
Shynasyl Abzal Nurǵaliuly
Sakiev Ravil Magomedovich
Belǵojaev Shyńǵys Aidosuly
Azkentai Darhan Baiylhanuly
Toqtaýbaev Nurbol Muratbekuly
Iliiasov Nurqiias Tólekbekuly
Toqtaýbaev Azamat Maratbekuly
Qaliahmet Didar Erkinuly
Ysqaq Dýman Qaidaruly
