Sýdıa buǵan ne sebep bolǵanyn suraǵanda, onyń qorǵaýshysy isti zertteýdi endi ǵana bastaǵanyn aıtyp, mynadaı túsinikteme berdi:

– Biz iske sot prosesi bastalǵanda ǵana aralastyq. Qujattardy tolyq qarap úlgermedik. Qorǵaý pozısıalarymyz áli de naqty qalyptasqan joq. Abzal Shynasyl ózi de taǵylǵan aıyptardy moıyndamaıtynyn aıtyp otyr.

Sotta taǵy bir aıyptalýshy – Ravıl Sákıev te daıyn emestigin aıtty. Onyń advokaty sot prosesine daıyn bolǵanymen, jaýap alýdy keıinge qaldyrýdy surady.

Qalǵan kúdiktiler de ózderin tanystyrdyń. Olardyń arasynda Almaty men Shyǵys Qazaqstan oblysynyń týmalary bar.

Eske salaıyq, Talǵardaǵy qandy oqıǵa kezinde qaza tapqan Sherzat Bolattyń ólimine kúdikti retinde aýyr aıyp tek eki adamǵa taǵylǵan. 

Bul týraly advokat Meıirman Shekeev habarlady. 

"Eki kúdiktige: Shynasyl Abzal men Sákeev Ravılge aıyp taǵylyp otyr. Qalǵan jeti kúdiktiniń isi “buzaqylyq” babymen qaralady. Memlekettik aıyptaýshynyń aıtqany sol. Ol is materıaldarymen úılesedi dep oılaımyz. Biz, jábirlenýshi tarap onymen kelispeımiz. Biraq ol memlekettik aıyptaý aktisi", deıdi Shekeev.