Sherzat Bolat isi boiynsha basty aiyptalýshylar sotqa daiyn emes ekenin málimdedi, dep habarlaidy Dalanews.kz.
Búgin ótken sot otyrysynda kúdiktiler ózderi týraly málimet berip, is boiynsha alǵashqy túsiniktemelerin bildirdi. Negizgi aiyptalýshylardyń biri Abzal Shynasyl — ulty qazaq, boidaq, orta bilimdi, ýaqytsha jumyssyz ekenin aitty. Buǵan deiin sotty bolmaǵan. Aiyptaý aktisiniń kóshirmesin alǵanyn jetkizgen ol sotqa tolyq daiyn emes ekenin málimdedi.
Sýdia buǵan ne sebep bolǵanyn suraǵanda, onyń qorǵaýshysy isti zertteýdi endi ǵana bastaǵanyn aityp, mynadai túsinikteme berdi:
– Biz iske sot protsesi bastalǵanda ǵana aralastyq. Qujattardy tolyq qarap úlgermedik. Qorǵaý pozitsiialarymyz áli de naqty qalyptasqan joq. Abzal Shynasyl ózi de taǵylǵan aiyptardy moiyndamaitynyn aityp otyr.
Sotta taǵy bir aiyptalýshy – Ravil Sákiev te daiyn emestigin aitty. Onyń advokaty sot protsesine daiyn bolǵanymen, jaýap alýdy keiinge qaldyrýdy surady.
Qalǵan kúdiktiler de ózderin tanystyrdyń. Olardyń arasynda Almaty men Shyǵys Qazaqstan oblysynyń týmalary bar.
Eske salaiyq, Talǵardaǵy qandy oqiǵa kezinde qaza tapqan Sherzat Bolattyń ólimine kúdikti retinde aýyr aiyp tek eki adamǵa taǵylǵan.
Bul týraly advokat Meiirman Shekeev habarlady.
"Eki kúdiktige: Shynasyl Abzal men Sákeev Ravilge aiyp taǵylyp otyr. Qalǵan jeti kúdiktiniń isi “buzaqylyq” babymen qaralady. Memlekettik aiyptaýshynyń aitqany sol. Ol is materialdarymen úilesedi dep oilaimyz. Biz, jábirlenýshi tarap onymen kelispeimiz. Biraq ol memlekettik aiyptaý aktisi", deidi Shekeev.
