سۋديا بۇعان نە سەبەپ بولعانىن سۇراعاندا، ونىڭ قورعاۋشىسى ءىستى زەرتتەۋدى ەندى عانا باستاعانىن ايتىپ، مىناداي تۇسىنىكتەمە بەردى:
– ءبىز ىسكە سوت پروسەسى باستالعاندا عانا ارالاستىق. قۇجاتتاردى تولىق قاراپ ۇلگەرمەدىك. قورعاۋ پوزيسيالارىمىز ءالى دە ناقتى قالىپتاسقان جوق. ابزال شىناسىل ءوزى دە تاعىلعان ايىپتاردى مويىندامايتىنىن ايتىپ وتىر.
سوتتا تاعى ءبىر ايىپتالۋشى – راۆيل ساكييەۆ تە دايىن ەمەستىگىن ايتتى. ونىڭ ادۆوكاتى سوت پروسەسىنە دايىن بولعانىمەن، جاۋاپ الۋدى كەيىنگە قالدىرۋدى سۇرادى.
قالعان كۇدىكتىلەر دە وزدەرىن تانىستىردىڭ. ولاردىڭ اراسىندا الماتى مەن شىعىس قازاقستان وبلىسىنىڭ تۋمالارى بار.
ەسكە سالايىق، تالعارداعى قاندى وقيعا كەزىندە قازا تاپقان شەرزات بولاتتىڭ ولىمىنە كۇدىكتى رەتىندە اۋىر ايىپ تەك ەكى ادامعا تاعىلعان.
بۇل تۋرالى ادۆوكات مەيىرمان شەكەيەۆ حابارلادى.
"ەكى كۇدىكتىگە: شىناسىل ابزال مەن ساكەيەۆ راۆيلگە ايىپ تاعىلىپ وتىر. قالعان جەتى كۇدىكتىنىڭ ءىسى “بۇزاقىلىق” بابىمەن قارالادى. مەملەكەتتىك ايىپتاۋشىنىڭ ايتقانى سول. ول ءىس ماتەريالدارىمەن ۇيلەسەدى دەپ ويلايمىز. ءبىز، جابىرلەنۋشى تاراپ ونىمەن كەلىسپەيمىز. ءبىراق ول مەملەكەتتىك ايىپتاۋ اكتىسى"، دەيدى شەكەيەۆ.
