شەرزات بولات ٸسٸ بويىنشا باستى ايىپتالۋشىلار سوتقا دايىن ەمەس ەكەنٸن مەلٸمدەدٸ, دەپ حابارلايدى Dalanews.kz.
بٷگٸن ٶتكەن سوت وتىرىسىندا كٷدٸكتٸلەر ٶزدەرٸ تۋرالى مەلٸمەت بەرٸپ, ٸس بويىنشا العاشقى تٷسٸنٸكتەمەلەرٸن بٸلدٸردٸ. نەگٸزگٸ ايىپتالۋشىلاردىڭ بٸرٸ ابزال شىناسىل — ۇلتى قازاق, بويداق, ورتا بٸلٸمدٸ, ۋاقىتشا جۇمىسسىز ەكەنٸن ايتتى. بۇعان دەيٸن سوتتى بولماعان. ايىپتاۋ اكتٸسٸنٸڭ كٶشٸرمەسٸن العانىن جەتكٸزگەن ول سوتقا تولىق دايىن ەمەس ەكەنٸن مەلٸمدەدٸ.
سۋديا بۇعان نە سەبەپ بولعانىن سۇراعاندا, ونىڭ قورعاۋشىسى ٸستٸ زەرتتەۋدٸ ەندٸ عانا باستاعانىن ايتىپ, مىناداي تٷسٸنٸكتەمە بەردٸ:
– بٸز ٸسكە سوت پروتسەسٸ باستالعاندا عانا ارالاستىق. قۇجاتتاردى تولىق قاراپ ٷلگەرمەدٸك. قورعاۋ پوزيتسييالارىمىز ەلٸ دە ناقتى قالىپتاسقان جوق. ابزال شىناسىل ٶزٸ دە تاعىلعان ايىپتاردى مويىندامايتىنىن ايتىپ وتىر.
سوتتا تاعى بٸر ايىپتالۋشى – راۆيل سەكيەۆ تە دايىن ەمەستٸگٸن ايتتى. ونىڭ ادۆوكاتى سوت پروتسەسٸنە دايىن بولعانىمەن, جاۋاپ الۋدى كەيٸنگە قالدىرۋدى سۇرادى.
قالعان كٷدٸكتٸلەر دە ٶزدەرٸن تانىستىردىڭ. ولاردىڭ اراسىندا الماتى مەن شىعىس قازاقستان وبلىسىنىڭ تۋمالارى بار.
ەسكە سالايىق, تالعارداعى قاندى وقيعا كەزٸندە قازا تاپقان شەرزات بولاتتىڭ ٶلٸمٸنە كٷدٸكتٸ رەتٸندە اۋىر ايىپ تەك ەكٸ ادامعا تاعىلعان.
بۇل تۋرالى ادۆوكات مەيٸرمان شەكەەۆ حابارلادى.
"ەكٸ كٷدٸكتٸگە: شىناسىل ابزال مەن سەكەەۆ راۆيلگە ايىپ تاعىلىپ وتىر. قالعان جەتٸ كٷدٸكتٸنٸڭ ٸسٸ “بۇزاقىلىق” بابىمەن قارالادى. مەملەكەتتٸك ايىپتاۋشىنىڭ ايتقانى سول. ول ٸس ماتەريالدارىمەن ٷيلەسەدٸ دەپ ويلايمىز. بٸز, جەبٸرلەنۋشٸ تاراپ ونىمەن كەلٸسپەيمٸز. بٸراق ول مەملەكەتتٸك ايىپتاۋ اكتٸسٸ", دەيدٸ شەكەەۆ.
