Ambýlatoriianyń ashylý saltanatyna Almaty oblysy Densaýlyq saqtaý basqarmasynyń basshysynyń orynbasary Leila Serikbaeva men Qonaev qalasy ákiminiń orynbasary Sáýle Nursoltanova qatysyp, turǵyndardy aitýly kúnmen quttyqtady.
Meditsinalyq nysan bir aýysymda 100 adamdy qabyldai alady. Mekemede meditsinalyq jáne profilaktikalyq tekserýler jáne erte diagnostika boiynsha qyzmetter kórsetiledi. Endi Sheńgeldi aýyldyq okrýgine qarasty alty eldimekenniń 7 myńǵa jýyq turǵyny qajetti meditsinalyq kómekti alý úshin ambýlatoriiaǵa júgine alady.
Munda jalpy praktika dárigerleri, pediatr, balalar tis dárigeri, meiirbikeler men kishi meiirbikeler jumys isteidi. Al dáriger-ginekologtar Qonaev qalasynan kelip, kestege sai qyzmet etedi. Shuǵyl jaǵdailar bolsa, naýqastar birden qalaǵa jóneltiledi. Ambýlatoriia ÝDZ, laborotoriia, rentgen sekildi ozyq tehnikalarmen jabdyqtalǵan.
Bul Memleket basshysynyń halyqtyń ómir súrý sapasyn jaqsartýǵa baǵyttalǵan tapsyrmalaryn iske asyrýdaǵy mańyzdy qadam. Árbir azamattyń zamanaýi meditsinalyq kómekke qol jetkizýi úshin aýyldyq jerlerde densaýlyq saqtaý infraqurylymyn damytýdy odan ári jalǵastyrý josparlanýda.
Sonymen qatar bul kúni halyq Naýryz merekesin taǵy da atap ótip, kiiz úi tikti, aq dastarhan jaidy. Olar bir-birin jyldyń jaqsy bastalýymen quttyqtap, aqjarma tilekterin arnady.
«Buryn osy jerde ózim de qyzmet etkenmini. 1970 jyldary irgesi qalanǵan nysan búginde jańǵyrtylyp, elge qyzmet etý úshin ashyldy. Óte qýanyshtymyn. Aýylymyzda jaqsy jańalyq kóp bolyp, qaryshtap-dami bersin!» – dedi turǵyn Qarlyǵash Qosbaeva.
Al Qonaev qalasynyń ónerpazdary halyqqa shaǵyn kontserttik baǵdarlama usyndy.
