Depýtat blogerler men BAQ-qa sheneýnikterdi maqtaǵany úshin aqsha tóleýdi toqtatýdy usyndy, – dep habarlaidy Dalanews.kz.
Májilis depýtaty Natalia Dementevanyń pikirinshe, biýdjet aqshasyn blogerler men baspasózdegi jazbalarǵa jumsaý tájiribesin toqtatatyn ýaqyt jetken. Onyń sózinshe, osy arqyly memlekettik organdardyń oń imidji qoldan jasalady.
"Memlekettik organdar jumysynyń oń reitingin qalyptastyrý úshin aqy tóleitin shyǵyndy alyp tastaýdy usynamyz. Jaqsy jumys isteseńiz, buqaralyq aqparat quraldary onsyz da bul jumysty jazady, kórsetedi. Jumys kóńilden shyqpasa, onda mundai qyzmetkerlerdi aýystyrý qajet", - dedi depýtat.
Eske salaiyq, buǵan deiin Májilis depýtaty Nartai Sársenǵaliev jańa Salyq kodeksindegi ózgerister BAQ ókilderine úlken aýyrtpalyq ekenin málimdedi.
"Birinshisi, elimizdegi otandyq gazet-jýrnaldarǵa qosymsha qun salyǵyn alyp tastaý iaki nól paiyz qylý. Ekinshi elimizdegi otandyq resmi tirkelgen telearnalar men radiolarǵa jáne internet resýrstaryna qosymsha qun salyǵyn 10% deńgeiinde qaldyrý. Bárimiz biletin támsil bar ǵoi: kim aqparatqa ielik etse, sol álemge ielik etedi degen. Sondyqtan osy baǵytta otandyq BAQ-tyń básekelestikke qabilettiligin, durys aqparat taratýyn saqtap qalý kerek", - dedi ol.
