Shelekte jel-elektr stansasy salynady
JES ornalasqan óńir energiiaǵa tapshy. Almaty JEO-lary, Qapshaǵai jáne Almaty SES kaskadtary, Esik SES-i, Moinaq SES-i, Qaratal SES-i óńirdegi elektr energiiasynyń negizgi kózderi bolyp tabylady.
Búgingi tańda óziniń qýat óndirý kózderi bolmaǵandyqtan, Almaty oblysynyń elektr energiiasyna degen qajettiligin jergilikti qýat kózderi 50%-ke ǵana qanaǵattandyrady.
– Shelek dálizinde jel-elektr stantsiiasyn salý arqyly parnik gazdaryn (SO2) shyǵarý jylyna 206 myń tonnaǵa azaiady, sondai-aq jylyna 89 myń tonna shartty otyn aýystyrylady. Onyń ústine, jel-elektr stantsiiasy qorshaǵan ortaǵa áser etpesten, elektr energiiasynyń qoryn tolyqtyrýǵa múmkindik beredi, – dedi «Samuryq-Energo» AQ jobalaý ofisiniń basshysy Ernur Jienbaev.
Nysannyń qurylysy kezeńinde 300 jumys orny ashylyp, stantsiia iske qosylǵannan keiin turaqty negizdegi 14 jumys orny paida bolady. JES jylyna 225 750 myń kVtselektr energiiasyn óndiredi dep kútilýde. Jobanyń aiaqtalý merzimi – 2020 jyl.
Atap óteiik, stantsiia jiyntyq qýaty 60 MVt bolatyn 24 jel energetikalyq qondyrǵydan, qosalqy stantsiiadan jáne elektr jelilerinen turady. Nysannyń agregattary jel stantsiiasyn avtomatty basqarý júiesine negizdelgen apparattyq-baǵdarlamalyq keshen arqyly retteledi. Bul modeldiń artyqshylyǵy sol, ony sýyq kontinentaldyq klimat (–30…+43 S), 10 baldyq seismikalyq belsendilik jáne jeldiń ekpini II klass jaǵdaiynda paidalanýǵa bolady.
Esterińizge sala keteiik, «Samuryq-Energo» AQ buǵan deiin JEK salasyndaǵy 2 jobany – Qapshaǵai qalasyndaǵy 2 MVt Kún elektr stantsiiasyn («Samruk-Green Energy» JShS) jáne Ereimentaý qalasyndaǵy 45 MVt jel-elektr stantsiiasyn («BJES» JShS) iske asyrǵan bolatyn.
