Búgin Túrkistanda múmkindigi shekteýli jastarǵa arnalǵan «Sheksiz múmkindik» oblystyq óner festivali ótti. Is-sharaǵa Oblystyq mádeniet basqarmasy basshysynyń orynbasary Erjan Isataev ashyp berip, qatysýshylarǵa sáttilik tiledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Búgin keremet is-sharanyń kýási bolyp otyrmyz. Qoǵamda erekshe jandarǵa árkez qurmet joǵary. Jaqsylyq jasaý – imandylyqtyń, tárbieliliktiń, parasattylyqtyń aiqyn kórinisi. Erteńge talpynys, bolashaqqa baǵdar, igi iske umtylys – adamzatqa tán qubylys. Árkez júregimiz keń, peiilimiz aq bolyp jaqsylyq jasaýǵa umtylyp turaiyq! Ónerli azamattarǵa shyǵarmashylyq tabys tileimin! – dedi basqarma basshysynyń orynbasary.
Atalǵan sharaǵa arysy Astana men Shymkent qalasynan, berisi Qyzylorda oblysy men Túrkistan óńiriniń aýdan, qalalarynan qatysty.
Talanttar jinalǵan baiqaýǵa bas aiaǵy 50-ge jýyq ónerpaz boi kórsetti. Patriottyq jáne merekelik ánderdi shyrqap, boidaǵy ónerin pash etken daryn ielerine syi-siiapat tabystaldy.
Shara barysynda qylqalam jáne qolónershilerdiń kórme-jármeńkesi de kópshilik nazaryna usynyldy. Sondai-aq, «Túrkistan» brendimen qundy syilar berildi. Yntalandyrý maqsatynda barlyǵyna alǵys hattar tabystaldy.
Aita keteiik, festival maqsaty – erekshe daryndy jastar men jasóspirimderdiń shyǵarmashylyǵyna qoldaý bildirip, ulttyq rýhta tárbieleý.
