8 naýryz qarsańynda Ulttyq qaýipsizdik komitetiniń Shekara qyzmeti alǵash ret áskeri qyzmetshiler arasynda «Shekara arýy – 2025» fotobaiqaýyn ótkizdi. Instagram jelisindegi «Shekaraknb» vedomstvolyq paraqshasynda daýys berý qorytyndysy boiynsha aǵa serjant N.T. Tóleýhanova fotobaiqaý jeńimpazy atandy.
Astanada UQK Shekara qyzmetiniń ortalyq apparatynda Halyqaralyq áielder kúni merekesine arnalǵan saltanatty shara barysynda baiqaý qorytyndysy jariialandy.
Sulýlyq baiqaýyna elimizdiń barlyq aimaqtarynan barlyǵy 22 úmitker qatysty.
Úshinshi oryndy 825 977 laik jinaǵan Qostanai oblysynyń áskeri qyzmetshisi kishi serjant J.M. Esentemirova ielendi.
Ekinshi oryndy 952 032 upai jinaǵan Jambyl oblysynyń áskeri qyzmetshisi kishi serjant G.Ú. Iskakova jeńip aldy.
«Shekara arýy – 2025» fotobaiqaýynyń jeńimpazy bolyp 1 064 486 laik jinaǵan Almaty qalasynan synǵa túsken aǵa serjant N.T. Tóleýhanova tanyldy.
Jeńimpazdy anyqtaý úshin UQK Shekara qyzmetiniń Instagram áleýmettik jelisindegi resmi paraqshasynda daýys berý jariialanǵan bolatyn, onda árbir oqyrman óziniń súiikti áskeri qyzmetshisine óz daýysyn bere alady.
Fotobaiqaý jariialanǵannan keiin barlyq shekara bólimsheleri qyzyǵýshylyq tanytyp laiyqty úmitkerlerin usyndy. Qatysýshylardyń barlyǵy «Shekara arýyna» laiyq sulýlar.
«Shekara arýy – 2025» fotobaiqaýy vedomstvo ishinde de, odan úlken aýqymdy qamtyp qoǵam arasynda keńinen taraldy. Mundai is-sharalar áielderdiń áskeri saladaǵy mańyzdylyǵy men rólin arttyrýǵa yqpal etedi, olardyń eldiń qorǵanysy men qaýipsizdigine qosqan mańyzdy úlesin aiqyndaidy jáne qoǵam nazary men qurmetin arttyrady.
