Túrkistan oblysynda shegirtkege qarsy kúres jumystary júrgizilip jatyr, dep habarlaidy Dalanews.kz
Saryaǵash aýdanynyń ákimi Arman Abdýllaevtyń aitýynsha, saryaǵashtyqtar shegirtkemen «kúreske» daiyn.
Aýdan 15 aýmaqqa bólinip, shekaralary belgilengen. 15 topqa 445 anyqtaýshy tartylady dep josparlanyp otyr. Olardy tasymaldaýǵa 18 avtokólik bólinip, jergilikti ákimdikten 25 azamat jumysty úilestirýge jaýapty bolyp bekitilgen. Barlyq aýmaq anyqtaýshylarǵa arnalǵan jatyn ornymen qamtylǵan.
Saryaǵash aýdanynda zalalsyzdandyrýǵa 75 búrký tehnikasy, 1 «AN-2» ushaǵy qatysady, 125 aspaly búrikkish berildi.
Z
iiankesterdi himiialyq óńdeý jumystary Aqjar, Álimtaý, Darbaza, Derbisek, Jylǵa, Jibek joly, Tegisshil, Qyzyljar aýyldyq okrýgteriniń aýmaǵynda jalpy 81,3 myń gektarda júrgiziledi dep kózdelgen.
Nurbol Turashbekov zalalsyzdandyrý jumystaryna múmkindiginshe jergilikti azamattardy qatystyrý keregin eskertti.
– Ár aýyldyń qaýipti aimaǵyn sol eldiń turǵylyqty azamattarynan artyq eshkim bilmeidi. Meilinshe zalalsyzdandyrý jumystaryna jergilikti turǵyndardyń qatysýyna mán berińizder. Eshqandai shaǵym nazardan tys qalmasyn, – Túrkistan oblysy ákiminiń orynbasary Nurbol Turashbekov.
Qazirgi tańda boljam ortalyǵynyń mamandary dernásilder anyqtalǵan alańdardy turaqty baqylaýynda ustap otyr.
Eske salaiyq, biyl ońtústikte kóktem qysqa bolyp, kún kúrt ysyp ketti. Saldarynan Túrkistan oblysynda shegirtkeler erte shyǵyp, sharýalar alańdap otyr. Shegirtkeler jan-jaqty jaipap ketpesi úshin mamandar dárileý jumystaryn jyldaǵydan erte bastady.
