تۇركىستان وبلىسىندا شەگىرتكەگە قارسى كۇرەس جۇمىستارى جۇرگىزىلىپ جاتىر، دەپ حابارلايدى Dalanews.kz
سارىاعاش اۋدانىنىڭ اكىمى ارمان ابدۋللايەۆتىڭ ايتۋىنشا، سارىاعاشتىقتار شەگىرتكەمەن «كۇرەسكە» دايىن.
اۋدان 15 اۋماققا ءبولىنىپ، شەكارالارى بەلگىلەنگەن. 15 توپقا 445 انىقتاۋشى تارتىلادى دەپ جوسپارلانىپ وتىر. ولاردى تاسىمالداۋعا 18 اۆتوكولىك ءبولىنىپ، جەرگىلىكتى اكىمدىكتەن 25 ازامات جۇمىستى ۇيلەستىرۋگە جاۋاپتى بولىپ بەكىتىلگەن. بارلىق اۋماق انىقتاۋشىلارعا ارنالعان جاتىن ورنىمەن قامتىلعان.
سارىاعاش اۋدانىندا زالالسىزداندىرۋعا 75 بۇركۋ تەحنيكاسى، 1 «ان-2» ۇشاعى قاتىسادى، 125 اسپالى بۇرىككىش بەرىلدى.
ز
يانكەستەردى حيميالىق وڭدەۋ جۇمىستارى اقجار، ءالىمتاۋ، داربازا، دەربىسەك، جىلعا، جىبەك جولى، تەگىسشىل، قىزىلجار اۋىلدىق وكرۋگتەرىنىڭ اۋماعىندا جالپى 81،3 مىڭ گەكتاردا جۇرگىزىلەدى دەپ كوزدەلگەن.
نۇربول تۇراشبەكوۆ زالالسىزداندىرۋ جۇمىستارىنا مۇمكىندىگىنشە جەرگىلىكتى ازاماتتاردى قاتىستىرۋ كەرەگىن ەسكەرتتى.
– ءار اۋىلدىڭ ءقاۋىپتى ايماعىن سول ەلدىڭ تۇرعىلىقتى ازاماتتارىنان ارتىق ەشكىم بىلمەيدى. مەيلىنشە زالالسىزداندىرۋ جۇمىستارىنا جەرگىلىكتى تۇرعىنداردىڭ قاتىسۋىنا ءمان بەرىڭىزدەر. ەشقانداي شاعىم نازاردان تىس قالماسىن، – تۇركىستان وبلىسى اكىمىنىڭ ورىنباسارى نۇربول تۇراشبەكوۆ.
قازىرگى تاڭدا بولجام ورتالىعىنىڭ ماماندارى دەرناسىلدەر انىقتالعان الاڭداردى تۇراقتى باقىلاۋىندا ۇستاپ وتىر.
ەسكە سالايىق، بيىل وڭتۇستىكتە كوكتەم قىسقا بولىپ، كۇن كۇرت ىسىپ كەتتى. سالدارىنان تۇركىستان وبلىسىندا شەگىرتكەلەر ەرتە شىعىپ، شارۋالار الاڭداپ وتىر. شەگىرتكەلەر جان-جاقتى جايپاپ كەتپەسى ءۇشىن ماماندار دارىلەۋ جۇمىستارىن جىلداعىدان ەرتە باستادى.
