Áleýmettik jelide jýrnalist Jarqyn Óteshovanyń jazǵanyn oqyp osy oiymyzdy ózgertýge týra keldi. Osy sharaǵa shaqyrylmai, shetqaqpai kórgender de bar eken. Kim deisiz be? Shahanov. Qiyrdaǵy qandastar túgel tanityn áigili aqyn quryltaidan shet qalypty.
"Al, halqym! Qulap qalma! Quryltaiǵa delegat Muhtar Shahanovty joǵarǵy jaqtan nusqaý keldi dep, poiyzǵa bilet alyp qoiǵan jerden qaldyryp ketti.
"Joǵarǵy jaq" kim? Elbasy Muhtar Shahanovty Quryltaiǵa shaqyrma dep, aitpaǵany anyq! Sonda kim?
Osy habardy Elbasyna kim jetkizer eken?! Biz analar erkek týdyq pa, týmadyq pa? Qandastardyń basy qosylatyn jerge halyq aqyny, álem aqyny nege barmaidy? Abaidy uryp, Birjandy qazyqqa arqanmen bailar zaman qaityp keldi me?", – dep jazypty jýrnalist.
Sóziniń jany bar. Buǵan Dúniejúzi qazaqtary qaýymdastyǵynyń basshysy Talǵat Mamashev ne der eken? Quryltaidan Shahanovty syrt qaldyrýdyń qandai qajeti bar? Shahanovty shetqaqpailaǵandar ol qandai shyndyqty aitady dep qaýiptenip otyr? Belgisiz...
Aitpaqshy "Shyńjań qazaqtarynyń qamalyp jatqany" týraly málimetke qatysty Azattyq suraǵyna Dúniejúzi qazaqtary quryltaiynyń basshysy Talǵat Mamashev bylai jaýap beripti...
[video width="1280" height="720" mp4="https://dalanews.kz/wp-content/uploads/2017/06/88c30f2b-9a87-46e6-8e16-d8b6cb3322e9_hq.mp4"][/video]
