Shavkat Rahmonovtyń áieli Gúlaiym Rahmonovaǵa qatysty jol-kólik oqiǵasy boiynsha is sotqa joldandy, dep habarlaidy Dalanews.kz HALYQSTAN-ǵa siltep.
Buǵan deiin isti prokýrorlar qosymsha tergeýge politsiiaǵa qaitarǵan bolatyn.
HALYQSTAN málimetinshe, is Jambyl oblysynyń qylmystyq ister jónindegi mamandandyrylǵan aýdanaralyq sotynda qaralady. Insaiderlik derekke súiensek, Gúlaiym Rahmonova bul iste kúdikti retinde tanylyp otyr.
Is sotqa jiberilgenin Jambyl oblysynyń prokýratýrasy da rastaǵan. Alaida sot protsesi naqty qashan bastalatyny ázirge habarlanǵan joq.
Eske salaiyq, Gúlaiym Rahmonova men onyń uly 2025 jyly 27 shildede jol apatyna túsken edi.
Politsiianyń málimetinshe, respýblikalyq mańyzy bar Almaty–Ekaterinbýrg tasjolynyń 299-shaqyrymynda Toyota Land Cruiser 200 kóliginiń júrgizýshisi tizginge ie bola almai, kólikti aýdaryp alǵan. Jol apaty saldarynan eki áiel qaza tapqan bolatyn.
