شاۆكات راحمونوۆتىڭ ەيەلٸ گٷلايىم راحمونوۆاعا قاتىستى جول-كٶلٸك وقيعاسى بويىنشا ٸس سوتقا جولداندى, دەپ حابارلايدى Dalanews.kz HALYQSTAN-عا سٸلتەپ.
بۇعان دەيٸن ٸستٸ پروكۋرورلار قوسىمشا تەرگەۋگە پوليتسيياعا قايتارعان بولاتىن.
HALYQSTAN مەلٸمەتٸنشە, ٸس جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالادى. ينسايدەرلٸك دەرەككە سٷيەنسەك, گٷلايىم راحمونوۆا بۇل ٸستە كٷدٸكتٸ رەتٸندە تانىلىپ وتىر.
ٸس سوتقا جٸبەرٸلگەنٸن جامبىل وبلىسىنىڭ پروكۋراتۋراسى دا راستاعان. الايدا سوت پروتسەسٸ ناقتى قاشان باستالاتىنى ەزٸرگە حابارلانعان جوق.
ەسكە سالايىق, گٷلايىم راحمونوۆا مەن ونىڭ ۇلى 2025 جىلى 27 شٸلدەدە جول اپاتىنا تٷسكەن ەدٸ.
پوليتسييانىڭ مەلٸمەتٸنشە, رەسپۋبليكالىق ماڭىزى بار الماتى–ەكاتەرينبۋرگ تاسجولىنىڭ 299-شاقىرىمىندا Toyota Land Cruiser 200 كٶلٸگٸنٸڭ جٷرگٸزۋشٸسٸ تٸزگٸنگە يە بولا الماي, كٶلٸكتٸ اۋدارىپ العان. جول اپاتى سالدارىنان ەكٸ ەيەل قازا تاپقان بولاتىن.
