Ózbekstannyń premer-ministri Shavkat Mirziiaev 6 qyrkúiekte Samarqanda Resei prezidenti Vladimir Pýtinmen kezdesý kezinde Ózbekstannyń Reseimen qarym-qatynasy degenimiz ne: «boldy, bar jáne strategiialyq áriptes bola beredi» dedi.
Ózbekstanǵa Resei prezidenti 3 qyrkúiekte jerlengen Islam Karimovtiń qabiriniń basyna taǵzym etip, eske alý úshin keldi.
Ózbek premeri Vladimir Pýtinniń sapary eki jaqty qarym-qatynastyń joǵary deńgeide ekenin bildiredi, ári bul ózbek halqy úshin mańyzdy dedi. Buǵan jaýap retinde Vladimir Pýtin Ózbekstannyń tuńǵysh prezidenti qalap ketken berik bailanys tek nyǵaia túsetinin aitty.
Ózbekstannyń úkimet basshysy Resei liderin sapary úshin alǵysyn bildirip, respýblika aza tutyp jatqan kezde, «naǵyz dostyń qaiǵyǵa ortaqtasýy» dep baǵalady.
«Ásirese sońǵy jyldary Islam Abdýǵaniuly ekeýmizdiń aramyzda jyly, senimdi qarym-qatynas qalyptasty. Ol eki eldiń yntymaqtastyǵynyń berik negizin qalady. Islam Karimovtiń isi jalǵasyn tabady degen senimdemiz. Senimdi dos retinde bizge tolyq arqa súieýlerińizge bolady», - dedi Pýtin.
