Sharýalardy nesie berý barysy avtomattandyrdy
Budan bylai sharýalar AÓK sýbektileriniń nesieleýge óz qujattaryn naqty ýaqyt rejiminde qolaily qyzmet arqyly bere alady. Nesie ótinimderin jinaqtaý jáne óńdeý isi tolyqtai avtomattandyryldy. Áleýetti qaryz alýshy nesie nemese lizing alý úshin ótinimderin holdingtiń nesieleýshi kompaniialarynyń keńselerine barmai-aq, memlekettik jáne orys tilderinde ótinim berý múmkindigine ie bolyp otyr. Bul óz kezeginde sharýanyń ýaqyt pen qarjy shyǵyndaryn birshama qysqartady.
Budan basqa, bul jańalyq fermerge óziniń «jeke kabineti» arqyly ótinimderdi qarastyrý protsessin qadaǵalaýǵa, keri bailanys alýǵa múmkindik beredi.
«QazAgronyń» mamandarynyń aitýynsha, engizilgen júie qyzmet kórsetý úrdisiniń yńǵailylyǵy men ashyqtyǵyn qamtamasyz etip qoimai, sonymen birge biýrokratiialyq rásimderdi azaitady jáne sybailas jemqorlyq faktorlarynyń týyndaý múmkindigin boldyrmaidy.
Elektrondyq formattaǵy nesie ótinimderin berý úsh qadamnan turady. Klient «QazAgro» ulttyq holdinginiń internet-portalynda maqsat pen baǵdarlamany tańdaidy, quqyǵyn belgileitin qujattardy bekitedi, nesieleýdiń tańdalǵan parametrlerin tekseredi jáne jóneltedi, sodan keiin qalyptastyrylǵan elektrondyq nesie ótinimi tiisti enshiles uiymǵa túsedi. Nesie ótinimin qarastyrý nátijelerin qaryz alýshy holdingtiń portalyndaǵy «jeke kabinette» baqylai alady. Budan basqa, nesie menedjeri «onlain-rejiminde» klientke habarlama joldai alady jáne qajet bolǵan jaǵdaida klient nesie ótinimin qujattarmen tolyqtyra alady.
Elektrondyq júieni engizý «QazAgronyń» mamandaryna elektrondyq formattaǵy qujattardy alýdy avtomattandyrýǵa, jobalardy qarastyrý merzimin azaitýǵa, agrarlardyń «bir tereze» printsipi boiynsha qyzmet kórsetýge aýysýyn júzege asyrýǵa múmkindik beredi.
Fermerlerge kómek retinde nesie ótinimderin jinaqtaý jáne óńdeý júiesin qolanýdyń yńǵailylyǵy úshin holding nusqaýlyq-beinequral daiyndady, ony «QazAgro» holdinginiń internet-portalynynan alýǵa bolady.
Budan basqa, nesie ótinimderin jinaqtaý jáne óńdeý júiesin damytý sheńberinde, holding onyń fýnktsionaldyq múmkindikterin keńeitý – kepildik alýǵa ótinimderdi, aýylsharýashylyq ónimderin satyp alýǵa ótinimderdi berýdi avtomattandyrý, memlekettik organdar júielerimen biriktirý, AÓK barlyq sýbektileri úshin tolyq fýnktsionaldyq call-ortalyqtaryn uiymdastyrý boiynsha is-sharalar júrgizedi.
QR Aýylsharýashylyǵy ministrligi habarlaǵandai, sýbsidiialaýdyń úsh túri boiynsha (nesie jáne lizing boiynsha mólsherleme, tyńaitqyshtar, gerbitsidter) qarastyrý, maquldaý jáne tóleýdi qabyldaý protsesterin tolyq avtomattandyrý aiaqtaldy. 2018 jyly sýbsidiianyń qalǵan 51 túri boiynsha aiaqtaý josparlanady. Bul memlekettik qyzmet alýdy jeńildetýge, merzimin ortasha 18 kúnnen 1 kúnge deiin qysqartýǵa jáne sybailas jemqorlyq táýekelderin tómendetýge múmkindik beredi.
