Tek biyl kiikter aimaqtyń 38 myń gektar egis alqabyn taptap, jaiqalǵan egindi jaramsyz etken.
Mamandardyń esebinshe, keiingi jyldary Qazaqstanda kiikterdiń sany jylyna orta eseppen 40 paiyzǵa artqan. Resmi derekter elimizdegi aqbókenderdiń eki millionǵa jýyqtaǵandyǵyn aitady. 2023 jyly mamyr aiyndaǵy áýe sanaǵynyń derekterine sai onyń 800 myńǵa jýyǵy Betpaqdalany mekendeidi.
Biyl Qaraǵandy oblysynyń Nura, Osakarov jáne Abai aýdanynyń tóńiregindegi 13 aýyldyq okrýgke qarasty 36 sharýaqojalyq kiikterdiń popýliatsiiasynan zardap shekti. Kiikter 38 myń gektardan astam egistik jerlerdi taptap, sharýalarǵa esepsiz shyǵyn keltirgen. Qaraǵandy oblysynyń tek bir ǵana sharýashylyǵynyń ózi 150 million teńge shyǵynǵa batqan. Kiikterdiń «betpaqdala popýliatsiiasynyń» tabiǵi mekendeý ortasy bolyp tabylatyn Qaraǵandy oblysy Nura aýdanynyń sharýalary shyǵyn shash etekten dep otyr.
Kiik basynyń shamadan tys ósip ketýi jyl saiyn eginge jiyrma paiyzdan astam ziian keltiredi. Kiik tabyndaryn egistik alqaptarynan aidaý jumystary júrgizilip jatqanymen barlyq alqaptardy qorǵaý múmkin bolmai otyr.
Tek bizdiń aýyl okrýginde bir ǵana sharýashylyqqa kiikterden kelgen shyǵynnyń jyldyq mólsheri 150 million teńgeden asady. Halyqqa úlken ziian keltirgendikten popýliatsiiany jalǵastyrýdyń maǵynasy joq dep esepteimin, - deidi Nura aýdanyndaǵy «Qulanótpes» sharýaqojalyǵynyń jetekshisi Saiyn Ibragimov.
Sharýaqojalyq jetekshisi Saiyn Batyrbekuly halyqqa, onyń ishinde aýyl sharýashylyǵyna ziian tigizbes úshin, elimizdegi kiikterdiń sany 500 myńnan aspaýy kerek dep sanaidy.
Elimizde, 2015 jyldan bastap, kiikterdiń sanyn kóbeitý maqsatynda aqbókenderdi atýǵa qatań tyiym salynǵan. Betpaqta erkin jaiylǵan esepsiz kiiktiń egistikke keltiretin shyǵynnan bólek, jaiylymdyq, shabyndyq jerlerdegi shópti taptap, tipti sý tapshylyǵyn týǵyzyp jatqandyǵy da bar. Dala janýarynyń shekten tys kóbeiýinen zardap shegip, egini taptalǵan, jaiylymdyq jáne shabyndyq jerleri jaramsyz bolyp, qysqy merzimge mal azyǵynyń tiisti kólemin daiyndai almai otyrǵan sharýalar kiik popýliatsiiasyn retteý boiynsha shuǵyl sharalar qabyldaý qajetiligin aitady.
