تەك بيىل كيٸكتەر ايماقتىڭ 38 مىڭ گەكتار ەگٸس القابىن تاپتاپ, جايقالعان ەگٸندٸ جارامسىز ەتكەن.
مامانداردىڭ ەسەبٸنشە, كەيٸنگٸ جىلدارى قازاقستاندا كيٸكتەردٸڭ سانى جىلىنا ورتا ەسەپپەن 40 پايىزعا ارتقان. رەسمي دەرەكتەر ەلٸمٸزدەگٸ اقبٶكەندەردٸڭ ەكٸ ميلليونعا جۋىقتاعاندىعىن ايتادى. 2023 جىلى مامىر ايىنداعى ەۋە ساناعىنىڭ دەرەكتەرٸنە ساي ونىڭ 800 مىڭعا جۋىعى بەتپاقدالانى مەكەندەيدٸ.
بيىل قاراعاندى وبلىسىنىڭ نۇرا, وساكاروۆ جەنە اباي اۋدانىنىڭ تٶڭٸرەگٸندەگٸ 13 اۋىلدىق وكرۋگكە قاراستى 36 شارۋاقوجالىق كيٸكتەردٸڭ پوپۋلياتسيياسىنان زارداپ شەكتٸ. كيٸكتەر 38 مىڭ گەكتاردان استام ەگٸستٸك جەرلەردٸ تاپتاپ, شارۋالارعا ەسەپسٸز شىعىن كەلتٸرگەن. قاراعاندى وبلىسىنىڭ تەك بٸر عانا شارۋاشىلىعىنىڭ ٶزٸ 150 ميلليون تەڭگە شىعىنعا باتقان. كيٸكتەردٸڭ «بەتپاقدالا پوپۋلياتسيياسىنىڭ» تابيعي مەكەندەۋ ورتاسى بولىپ تابىلاتىن قاراعاندى وبلىسى نۇرا اۋدانىنىڭ شارۋالارى شىعىن شاش ەتەكتەن دەپ وتىر.
كيٸك باسىنىڭ شامادان تىس ٶسٸپ كەتۋٸ جىل سايىن ەگٸنگە جيىرما پايىزدان استام زييان كەلتٸرەدٸ. كيٸك تابىندارىن ەگٸستٸك القاپتارىنان ايداۋ جۇمىستارى جٷرگٸزٸلٸپ جاتقانىمەن بارلىق القاپتاردى قورعاۋ مٷمكٸن بولماي وتىر.
تەك بٸزدٸڭ اۋىل وكرۋگٸندە بٸر عانا شارۋاشىلىققا كيٸكتەردەن كەلگەن شىعىننىڭ جىلدىق مٶلشەرٸ 150 ميلليون تەڭگەدەن اسادى. حالىققا ٷلكەن زييان كەلتٸرگەندٸكتەن پوپۋلياتسييانى جالعاستىرۋدىڭ ماعىناسى جوق دەپ ەسەپتەيمٸن, - دەيدٸ نۇرا اۋدانىنداعى «قۇلانٶتپەس» شارۋاقوجالىعىنىڭ جەتەكشٸسٸ سايىن يبراگيموۆ.
شارۋاقوجالىق جەتەكشٸسٸ سايىن باتىربەكۇلى حالىققا, ونىڭ ٸشٸندە اۋىل شارۋاشىلىعىنا زييان تيگٸزبەس ٷشٸن, ەلٸمٸزدەگٸ كيٸكتەردٸڭ سانى 500 مىڭنان اسپاۋى كەرەك دەپ سانايدى.
ەلٸمٸزدە, 2015 جىلدان باستاپ, كيٸكتەردٸڭ سانىن كٶبەيتۋ ماقساتىندا اقبٶكەندەردٸ اتۋعا قاتاڭ تىيىم سالىنعان. بەتپاقتا ەركٸن جايىلعان ەسەپسٸز كيٸكتٸڭ ەگٸستٸككە كەلتٸرەتٸن شىعىننان بٶلەك, جايىلىمدىق, شابىندىق جەرلەردەگٸ شٶپتٸ تاپتاپ, تٸپتٸ سۋ تاپشىلىعىن تۋعىزىپ جاتقاندىعى دا بار. دالا جانۋارىنىڭ شەكتەن تىس كٶبەيۋٸنەن زارداپ شەگٸپ, ەگٸنٸ تاپتالعان, جايىلىمدىق جەنە شابىندىق جەرلەرٸ جارامسىز بولىپ, قىسقى مەرزٸمگە مال ازىعىنىڭ تيٸستٸ كٶلەمٸن دايىنداي الماي وتىرعان شارۋالار كيٸك پوپۋلياتسيياسىن رەتتەۋ بويىنشا شۇعىل شارالار قابىلداۋ قاجەتٸلٸگٸن ايتادى.
