2025 jylǵy 24 mamyrda Shardara aýdanyna qarasty Qosseiit aýyldyq okrýgindegi “Syrdariia” jalpy bilim beretin mekteptiń 2005 jylǵy túlekteri ózderiniń 20 jyldyq mereitoiy aiasynda qaiyrymdylyq sharasyn ótkizdi. Olar aýyl turǵyny Baqtybai Qurbanovqa úsh bólmeli turǵyn úidi syiǵa tartty, – dep habarlaidy Dalanews.kz
Saýapty ári saltanatty is-sharaǵa Shardara aýdany ákiminiń orynbasary Beisenbai Týrebekov arnaiy qatysyp, baspanaly bolǵan otbasyny quttyqtap, igi iske muryndyq bolǵan túlekterge aýdan ákiminiń Alǵys hatyn tabystady.
– Qurmetti Qosseiit aýylynyń turǵyndary men qadirli túlekter! Sizderdiń birlik pen yntymaqpen atqarǵan igi isterińizdiń nátijesinde bir otbasy shattyqqa bólenip otyr. Osyndai azamattyq áreketter eldiń berekesin arttyrady. Barshańyzǵa zor rizashylyǵymdy bildiremin, – dedi B.Týrebekov.
Shara barysynda Qosseiit aýyldyq okrýginiń ákimi Nurbol Jainar men aýyl bii Baýyrjan Tólegenov júrekjardy lebizderin bildirip, túlekterge aq batalaryn berdi.
