Elimizdiń eń myqty sportshylary, qaımaqtary jınalǵan bul marapattaýda Shardara aýdanynyń «Shardara Armsport» sport klýbynyń aǵa jattyqtyrýshysy Nurjan Tórequlov Tórekýlov «Úzdik jattyqtyrýshy-2018» nomınasıasyna ıe bolsa , «Úzdik sportshy — 2018» nomınasıasyna 4 dúrkin Álem chempıony, 5 dúrkin Azıa chempıony Aıdarxan Nurdaýlet ıe boldy.
Jalpy Shardara aýdanynda sportqa qumbyl kóńil bólenide. Osy jerde basa aıta ketetin nárse – aýdanda 3 sport mektebi bar. Belgili sportshy A.Sakıev basqaratyn aýdandyq №1 balalar men jasóspirimder sport mektebi (BJSM) 2001 jyly qurylǵan. 2009 jyly boı kótergen №2 BJSM-di kúni keshege deıin Ú.Ibragımov basqarsa, basshylyq tizgindi taıaýda B.Erehanov qolǵa aldy. Byltyrǵy jyly aýdanda arnaıy fýtbol mektebi boı kóterdi. Belgili sportshy E.Amanqulov bastaǵan aıaqdopshylyrdyń aıaq alysy ázirge jaman emes.
Aýdan halqynyń dene shynyqtyrý jáne sportpen júıeli túrde aınalysýyna 161 sport ǵımaraty men alańdar qyzmet kórsetedi. Onyń ishinde 1 ortalyq stadıon, 24 sport zal, 2 kúres zaly, 1 qol kúres zaly, 8 tır, 102 jazǵy sport alańshalary, 20 jazǵy sport alańdary bar. Bıylǵy jyldyń 7 aıynda aýdandyq dene shynyqtyrý jáne sport bólimi aýdandyq №1, №2 BJSM-der men aýdandyq fýtbol mektebimen birlese otyryp, 198 sporttyq jarystar ótkizgen. Ol is-sharalarǵa 17678 adam qamtyldy. Qazirgi tańda aýdanda kenje qalǵan sport túrlerin damytý, aýyl jastaryn sportqa tartý jáne aýyl okrýgterinde buqaralyq sportty damytý maqsattary tur.
