Tabiǵi gazdy jetkizý úshin 47 shaqyrym gaz qubyry júrgizildi. Joba quny 140, 940 mln teńge. Gaz ótkizý jumystary respýblikalyq jáne oblystyq biýdjet esebinen Shardara qalasynyń TKSh bóliminiń tapsyrysy boiynsha júrgizildi.
1700-ge jýyq turǵyndy úzdiksiz gazben qamtamasyz etý jobasyn "QazaqGaz" ulttyq kompaniiasyna tiesili "QazTransGaz Aimaq" AQ júzege asyrdy.
– Gaz, árine, adam turmysyn jeńildetetin igilik, biraq sonymen birge gazben jumys isteý kezinde qaýipsizdik birinshi orynda turýy tiis, – deidi "QazTransGaz Aimaq" AQ Túrkistan óndiristik filialynyń direktory Nurjan Túimebaev.
Shardara aýdanynyń ákimi Qairat Joldybai da kópshilikti quttyqtady.
Turǵyndar atap ótkendei, gaz jylytý maýsymynda kómir jaǵyp, kúl shyǵarý mashaqatynan qutqarady.
Aita ketsek, qazirgi ýaqytta Shardara qalasynda 31 845 adam, 4 600 jeke turǵyn úi, 75 kópqabatty turǵyn úi, 54 memlekettik jáne áleýmettik nysan, 215 kásipkerlik nysan, 7 óndiristik nysan bar.
Qaladaǵy 14 shaǵyn aýdanda gaz qubyrlary boiynsha qurylys-montaj jumystary 3 kezeńge bólindi. Alǵashqy kezeńde 3150 turǵyn úi tabiǵi gazǵa qosyldy. Búgin atalǵan jumystardyń ekinshi kezeńi aiaqtalyp otyr. Al sońǵy úshinshi kezeńniń qurylys-montaj jumystary aiaqtalǵanda taǵy 1870 shardaralyq turǵyn "kógildir otynnyń" sharapatyn kóredi.
