Basqosýǵa oblystyq basqarma basshylary, týristik agenttik pen tarihi, mádeni ortalyq jetekshileri jáne qolóner sheberleri qatysyp, atalǵan salany damytý jaiynda usynys pikirlerin bildirdi. Jiynǵa tóraǵalyq etken aimaq basshysy óńirimizdegi týrizm salasyn túletýdegi negizgi alǵy sharttaryn atap ótti.
– Bizdiń oblysymyzda týrister qyzyǵatyn tarihi jáne mádeni nysandar óte kóp. Tamasha tabiǵatynyń ózi bir tóbe. Solai bola tura, nege bizge Túrkiiadaǵydai týrister aǵylmaidy. Sebebi, qonaqtarǵa kórsetiletin qyzmet tiisti deńgeide jasalmaǵan. Mine, osy kemshilikterdi joiýymyz kerek. Iaǵni, áýejaidan bastap qonaq úi, servis, dámhana, gidterge deiin joǵary dárejede qyzmet kórsetetin bolsa, kelýshilerdiń qatary arta túsedi. Sol úshin sheteldik áriptestermen jan-jaqty tájiribe almasa otyryp, qonaq kútýdiń ozyq úlgilerin úirenýimiz kerek, – dedi oblys ákimi.
Sondai-aq, óńir basshysy týristik indýstriiany damytý maqsatynda arnaiy baǵdarlama qurylatynyn aitty. Osynyń negizinde týristik nysandardaǵy infraqurylym máselesi sheshilip, servistik qyzmetti jaqsartýǵa baǵyttalǵan jumystar atqarylmaq.
Odan bólek, oblys basshysy Shardara aýdanynda halyqaralyq týristik festival ótkizýdi tapsyrdy. Sheteldik týristik agentterdiń qatysýymen ótetin sharanyń maqsaty – shaǵalaly Shardaradaǵy demalys aimaqtaryn álemdik deńgeide nasihattaý.
Óz kezeginde týristik agenttikter qaýymdastyǵynyń tóraiymy Gúlmira Aqberdieva servistik qyzmet kórsetýge úiretetin ortalyq ashýdy usyndy.
Jiyn barysynda oblys ortalyǵy Túrkistan qalasynyń damý jospary da keńinen talqylandy. Aimaq basshysy Q.A.Iasaýi kesenesiniń mańyna eski shyǵystyq úlgidegi ǵimarattardyń boi kóteretinin aitty.
Túrkistan oblysy ákiminiń baspasóz qyzmeti
