Shardarada qaýyn qaq óndiretin tsehtyń qurylysy qarqyndy júrýde
Óndiris ornynyń jyldyq qýattylyǵy 200 tonna, joba quny 500 mln teńgeden astam. Kásiporynda turaqty 25 adam jumysqa ornalastyrylady.
Sondai-aq, biyl júzege asar jobalardyń biri jeke kásipker T.Jalǵasbaevtyń balyq óńdeý zaýytynyń óndirisin keńeitý jobasy. Atap aitqanda, balyqtyń maiy men jemin shyǵarý. Joba quny 200 mln teńge. Búgingi tańda qural-jabdyqtary ákelinip, ǵimaraty salynǵan. Óndiris iske asqan jaǵdaida 40 adamǵa jumys orny ashylady. Sonymen qatar, jeke kásipker B.Sarievtiń granýldy jem shyǵarý jobasy júzege asady. Ol iske asqan jaǵdaida 20 adamǵa jumys orny ashylady. Qazirgi tańǵa montajdaý jumystary júrgizilýde.
– 2020 jyly aýdandaǵy ónerkásip kásiporyndary 9,9 mlrd teńgeniń ónimin óndirdi. 2021 jyldyń sońyna deiin bul kórsetkishti 10,6 mlrd teńgege jetkizý kózdelip otyr. Osy jyldyń 4 aiynyń ózinde óndiris oryndarynda 5 mlrd teńgeniń ónerkásip ónimi óndirilgen. 2020 jyldyń qorytyndysy boiynsha negizgi qorǵa 32,1 mlrd teńge investitsiia tartylyp, ótken jylmen salystyrǵanda 7,6 paiyzǵa ósken. Esepti merzimde 3,1 mlrd teńge investitsiia tartyldy. Jyl sońyna negizgi kapitalǵa tartylǵan investitsiiany 35 mlrd teńgege jetkizý josparlanyp otyr, – dedi aýdan basshysy.
