ءوندىرىس ورنىنىڭ جىلدىق قۋاتتىلىعى 200 توننا، جوبا قۇنى 500 ملن تەڭگەدەن استام. كاسىپورىندا تۇراقتى 25 ادام جۇمىسقا ورنالاستىرىلادى.
سونداي-اق، بيىل جۇزەگە اسار جوبالاردىڭ ءبىرى جەكە كاسىپكەر ت.جالعاسبايەۆتىڭ بالىق وڭدەۋ زاۋىتىنىڭ ءوندىرىسىن كەڭەيتۋ جوباسى. اتاپ ايتقاندا، بالىقتىڭ مايى مەن جەمىن شىعارۋ. جوبا قۇنى 200 ملن تەڭگە. بۇگىنگى تاڭدا قۇرال-جابدىقتارى اكەلىنىپ، عيماراتى سالىنعان. ءوندىرىس ىسكە اسقان جاعدايدا 40 ادامعا جۇمىس ورنى اشىلادى. سونىمەن قاتار، جەكە كاسىپكەر ب.سارييەۆتىڭ گرانۋلدى جەم شىعارۋ جوباسى جۇزەگە اسادى. ول ىسكە اسقان جاعدايدا 20 ادامعا جۇمىس ورنى اشىلادى. قازىرگى تاڭعا مونتاجداۋ جۇمىستارى جۇرگىزىلۋدە.
– 2020 جىلى اۋدانداعى ونەركاسىپ كاسىپورىندارى 9،9 ملرد تەڭگەنىڭ ءونىمىن ءوندىردى. 2021 جىلدىڭ سوڭىنا دەيىن بۇل كورسەتكىشتى 10،6 ملرد تەڭگەگە جەتكىزۋ كوزدەلىپ وتىر. وسى جىلدىڭ 4 ايىنىڭ وزىندە ءوندىرىس ورىندارىندا 5 ملرد تەڭگەنىڭ ونەركاسىپ ءونىمى وندىرىلگەن. 2020 جىلدىڭ قورىتىندىسى بويىنشا نەگىزگى قورعا 32،1 ملرد تەڭگە ينۆەستيسيا تارتىلىپ، وتكەن جىلمەن سالىستىرعاندا 7،6 پايىزعا وسكەن. ەسەپتى مەرزىمدە 3،1 ملرد تەڭگە ينۆەستيسيا تارتىلدى. جىل سوڭىنا نەگىزگى كاپيتالعا تارتىلعان ينۆەستيسيانى 35 ملرد تەڭگەگە جەتكىزۋ جوسپارلانىپ وتىر، – دەدى اۋدان باسشىسى.
