Búgin Shardara sýqoimasynyń aýmaǵynda «Taza álem — barshaǵa ortaq is!» atty plogging ótti. Tazalyq jumystaryna armreslingten 30 Álem chempiony, 20 Aziia chempiony men 10 el chempiony qatysty, – dep habarlaidy Dalanews.kz
Shara ekologiialyq sanany arttyryp, týǵan elge degen súiispenshilikti oiatýǵa, sondai-aq jas urpaqty eńbekqorlyq pen jaýapkershilikke jáne tabiǵatqa janashyr bolýǵa baǵyttalǵan.
«Búgin Shardara sý qoimasynyń jaǵalaýyn tazalaý, qoqystaryn jinaý jumystaryna aýdannyń ǵana emes, búkil Qazaqstannyń maqtanyshy – armrestling chempiondary da óz úlesterin qosyp otyr. Bul – plogging sportshylarymyzdyń jastarǵa, óskeleń urpaqqa kórsetken úlgisi. Armrestlingke kelip jattyǵyp júrgen jastar aǵalarynyń jolymen apta saiyn osy jaǵalaýdy tazalaýǵa ýáde berip otyr. Biz óz kezegimizde jergilikti BAQ ókilderi de qatysyp, sportshylarymyzǵa qoldaý bildirip keldik», dedi "Ósken óńir" gazetiniń bas redaktory Sábit Lahanov.
Shardara sýqoimasynyń jaǵalaýynda ótken plogging nátijesinde 100-ge jýyq adam qatysyp, eki tonnaǵa jýyq turmystyq jáne plastik qaldyqtar jinaldy.
Atap óteiik, halyqty ekologiialyq mádenietke shaqyrý baǵytynda oblysta 7 263 is-shara ótip, oǵan 350 myńǵa jýyq turǵyn qatysqan.
Aktsiia aiasynda oblys kóleminde 500 myńnan asa aǵash otyrǵyzyldy. Is-sharalarǵa 2 168 arnaiy tehnika jumyldyrylyp, 8 myń tonnadan asa turmystyq qaldyqtar men qoqys shyǵaryldy. Sondai-aq @tazaqazbot telegramm chat-bot arqyly 2197 ótinim túsip, 2 167 ótinim der kezinde oryndaldy. Al 30 ótinim oryndalý barysynda tur.
