UBT-ǵa daiyndaimyn dep birneshe adamdy aldaǵan kúdikti Albaniiadan ekstraditsiialandy, dep habarlaidy dalanews.kz.
Qazaqstan azamaty birneshe ret alaiaqtyq jasady degen kúdikpen Albaniiadan elge ekstraditsiialanǵan. Operatsiia Bas prokýratýra, Ishki ister ministrliginiń Interpol ulttyq ortalyq biýrosy jáne Qazaqstannyń Albaniiadaǵy elshiliginiń qoldaýymen júzege asyrylǵan.
Tergeý málimetinshe, kúdikti 2022-2023 jyldary internet arqyly joǵary synyp oqýshylaryn Ulttyq biryńǵai testileýge daiyndaitynyn jáne joǵary oqý oryndaryna kepildi túrde oqýǵa túsiretinin aityp, jalǵan aqparat taratqan.
Sonyń saldarynan 32 azamat 28 million teńgeden asa qarajatynan aiyrylǵan.
Qylmystan keiin kúdikti jasyrynyp, oǵan halyqaralyq izdeý jariialanǵan. Ol 2025 jyly mamyrda Albaniiada ustalyp, Qazaqstan Bas prokýratýrasynyń suraýy boiynsha elge jetkizildi. Qazir kúdikti tergeý izoliatoryna qamaldy.
