Jeksenbide tańerteń Japoniianyń Ivate prefektýrasy jaǵalaýynda magnitýdasy 6,1 bolatyn jer silkinisi tirkeldi. Alǵashqy dúmpýden keiin altydan asa aftershok bolǵan, dep habarlaidy dalanews.kz.
Eldiń meteorologiia agenttigi tsýnami qaýpi joq ekenin habarlaǵan. Beisenbi kúni de dál osy óńirde magnitýdasy 7,2 bolatyn jer silkinisi tirkelgen edi. Mamandar turǵyndarǵa aldaǵy bir apta boiy saqtyq sharalaryn ustanýǵa keńes berdi.
Aldyn ala málimet boiynsha tabiǵi apattan qaza tapqandar joq. Turǵyn úiler, kólikter nemese basqa da nysandar búlingeni týraly aqparat ta tirkelmegen.
Jer silkinisinen keiin Japoniia biligi shuǵyl qyzmetterdiń jumysyn úilestirý, jaǵdaidy baqylaý jáne qajet bolǵan jaǵdaida zardap shekkenderge kómek kórsetý úshin jedel shtab qurǵan.
