– Armrestlıng degen sırek kezdesetin sport túrinen Shardara aýdanynyń sportshylary iri dodalarda elimizdiń atyn álemge pash etip júr. Shekara tańdamaıtyn sport arqyly jerlesterimiz álem jurtshylyǵyna tanymal.
Densaýlyqtyń negizgi sharty – mádenı orta, salaýatty ómir salty. Sondyqtan da Elbasy N.Á.Nazarbaev «Qazaqstan-2030» strategıalyq baǵdarlamasynda «Salaýatty ómir salty árqaısymyzdyń dene tárbıesimen aınalysýymyzǵa, durys tamaqtanýymyzǵa, tazalyq pen saýyqtyrý sharalaryn saqtaýymyzǵa baǵyttalǵan» dep atap kórsetken. Jalpy, sportpen shuǵyldanamyn degen adam jer tańdamaıdy. Naǵyz talantty jastar aýylda, – dedi oblys ákimi Ómirzaq Shókeev.
Dzúdo zalynda jergilikti ul-qyzdar jattyǵatyn bolady. Qol kúres sportynan myqtylyǵyn álemge moıyndatyp keletin shardaralyq jastar klýbta boks, kúres, karate, naıza, ıadro laktyrýmen shuǵyldanady.
Oblys basshysynyń atynan kásibı sportshylarǵa arnalǵan amerıkalyq sport jabdyqtary syıǵa tartyldy.
Aıta keteıik, armrestlıng sport mektebinen 2 myńǵa jýyq sportshy túrli deńgeıdegi júldelerdiń ıesi atanǵan. Klýb jattyqtyrýshylary 48 Álem chempıonyn, 316 QR chempıonyn, 144 Azıa chempıonyn, 50 Azıa kýbogynyń ıegerlerin, 85 Halyqaralyq týrnırler jeńimpazdary men 62 QR halyqaralyq dárejedegi sport sheberlerin tárbıelep shyǵarǵan.
