Shynymen de sońǵy kezderi shardaralyqtardyń jyly sýǵa qolyn malyp otyrýǵa múmkindik beretin jaqsy jańalyqtardyń qatary kóbeıip keledi. Atap aıtar bolsaq qalada turǵyn úı qurylysy da qarqyn alǵan.
Búgingi tańda 80 páterli birneshe kópqabatty úıdiń qurylysy júrgizilýde. Aldaǵy birneshe aılardan soń qonys toıyn toılaıtyndardyń qatary arta túspek.
Qalanyń shyraıyna kóleńke túsirip turǵan tozyǵy jetken úıler byltyrǵy jyldan beri jańartylyp, jańa kelbetke ıe boldy. Ábden tozyǵy jetip, sylaǵy túsken 6 kópqabatty baspananyń kem-ketigi jóndelip, ınjenerlik júıeleri qalpyna keltirildi. Qala turǵyndary baspanalarynyń basqa keıipke engenine qýanýly.
Jaqyn keleshekte shaǵalaly Shardara týrızmniń de ordasyna aınalmaq. Baıaǵydan-aq qolǵa alynýy tıis bul salanyń tamyryna qan júgire bastady. Saıahat orny úshin sý qoımasy jaǵalaýynan 255 gektar jer bólindi. Bul mańǵa qonaq úı, ıaht klýb, meıramhana men akvapark, ańshylar men balyqshylar úı sekildi 60-tan astam nysan salynady. Osylaısha bir kelgen adam qaıtyp aınalyp soqqysy kelip turatyn jumaq mekenge aınalǵanyn baıqaıdy.
