شىنىمەن دە سوڭعى كەزدەرٸ شاردارالىقتاردىڭ جىلى سۋعا قولىن مالىپ وتىرۋعا مٷمكٸندٸك بەرەتٸن جاقسى جاڭالىقتاردىڭ قاتارى كٶبەيٸپ كەلەدٸ. اتاپ ايتار بولساق قالادا تۇرعىن ٷي قۇرىلىسى دا قارقىن العان.
بٷگٸنگٸ تاڭدا 80 پەتەرلٸ بٸرنەشە كٶپقاباتتى ٷيدٸڭ قۇرىلىسى جٷرگٸزٸلۋدە. الداعى بٸرنەشە ايلاردان سوڭ قونىس تويىن تويلايتىنداردىڭ قاتارى ارتا تٷسپەك.
قالانىڭ شىرايىنا كٶلەڭكە تٷسٸرٸپ تۇرعان توزىعى جەتكەن ٷيلەر بىلتىرعى جىلدان بەرٸ جاڭارتىلىپ, جاڭا كەلبەتكە يە بولدى. ەبدەن توزىعى جەتٸپ, سىلاعى تٷسكەن 6 كٶپقاباتتى باسپانانىڭ كەم-كەتٸگٸ جٶندەلٸپ, ينجەنەرلٸك جٷيەلەرٸ قالپىنا كەلتٸرٸلدٸ. قالا تۇرعىندارى باسپانالارىنىڭ باسقا كەيٸپكە ەنگەنٸنە قۋانۋلى.
جاقىن كەلەشەكتە شاعالالى شاردارا تۋريزمنٸڭ دە ورداسىنا اينالماق. باياعىدان-اق قولعا الىنۋى تيٸس بۇل سالانىڭ تامىرىنا قان جٷگٸرە باستادى. ساياحات ورنى ٷشٸن سۋ قويماسى جاعالاۋىنان 255 گەكتار جەر بٶلٸندٸ. بۇل ماڭعا قوناق ٷي, ياحت كلۋب, مەيرامحانا مەن اكۆاپارك, اڭشىلار مەن بالىقشىلار ٷي سەكٸلدٸ 60-تان استام نىسان سالىنادى. وسىلايشا بٸر كەلگەن ادام قايتىپ اينالىپ سوققىسى كەلٸپ تۇراتىن جۇماق مەكەنگە اينالعانىن بايقايدى.
