Shaǵyn sút fermasy kúnine 300 litr sútti óndirip, ótkizýde
Aimaqta sút ónimi úlken suranysqa ie bolǵandyqtan, sútti baǵyttaǵy siyrlar kóbeiip keledi. Oǵan memleket tarapynan qarjylai qoljaý kórsetiledi.
Bul maqsatta «Sybaǵa» baǵdarlamasy jumys isteidi. Baǵdarlama aiasynda «Agrofinans» qarjylai qoldaý qory arqyly Tasaryq aýyldyq okrýgi turǵyny jeke kásipker Erbolat Esenáli 12 bas asyl tuqymdy «Golshtein» siyryn 12 mln teńgege satyp alǵan.
Iri qaralardyń árqaisysynan kúnine 25 litr sút alyp, jalpy 300 litr sútti óndirip otyr. Shaǵyn januialyq sút fermasynyń iesi daiyn ónimdi «Fýd Master» kompaniiasyna ótkizip otyr.
Jas kásipker búginde aýyldyń 3 turǵynyn turaqty jumyspen qamtyp, tiisti jalaqysyn tóleidi.
– Osydan eki jyl buryn alyp kelingen analyq bas siyrlardyń barlyǵy tóldedi. Aldaǵy ýaqytta qora-jaidy keńeitip, mal basyn kóbeitýdi josparlap otyrmyn. Shaǵyn sút fermasynyń jumysyn jandandyryp, aýyl turǵyndaryn jumyspen qamtýdy maqsat etip otyrmyn, – deidi kásipker.
