شاعىن سٷت فەرماسى كٷنٸنە 300 ليتر سٷتتٸ ٶندٸرٸپ, ٶتكٸزۋدە
ايماقتا سٷت ٶنٸمٸ ٷلكەن سۇرانىسقا يە بولعاندىقتان, سٷتتٸ باعىتتاعى سيىرلار كٶبەيٸپ كەلەدٸ. وعان مەملەكەت تاراپىنان قارجىلاي قولجاۋ كٶرسەتٸلەدٸ.
بۇل ماقساتتا «سىباعا» باعدارلاماسى جۇمىس ٸستەيدٸ. باعدارلاما اياسىندا «اگروفينانس» قارجىلاي قولداۋ قورى ارقىلى تاسارىق اۋىلدىق وكرۋگٸ تۇرعىنى جەكە كەسٸپكەر ەربولات ەسەنەلٸ 12 باس اسىل تۇقىمدى «گولشتەين» سيىرىن 12 ملن تەڭگەگە ساتىپ العان.
ٸرٸ قارالاردىڭ ەرقايسىسىنان كٷنٸنە 25 ليتر سٷت الىپ, جالپى 300 ليتر سٷتتٸ ٶندٸرٸپ وتىر. شاعىن جانۇيالىق سٷت فەرماسىنىڭ يەسٸ دايىن ٶنٸمدٸ «فۋد ماستەر» كومپانيياسىنا ٶتكٸزٸپ وتىر.
جاس كەسٸپكەر بٷگٸندە اۋىلدىڭ 3 تۇرعىنىن تۇراقتى جۇمىسپەن قامتىپ, تيٸستٸ جالاقىسىن تٶلەيدٸ.
– وسىدان ەكٸ جىل بۇرىن الىپ كەلٸنگەن انالىق باس سيىرلاردىڭ بارلىعى تٶلدەدٸ. الداعى ۋاقىتتا قورا-جايدى كەڭەيتٸپ, مال باسىن كٶبەيتۋدٸ جوسپارلاپ وتىرمىن. شاعىن سٷت فەرماسىنىڭ جۇمىسىن جانداندىرىپ, اۋىل تۇرعىندارىن جۇمىسپەن قامتۋدى ماقسات ەتٸپ وتىرمىن, – دەيدٸ كەسٸپكەر.
