Qazaqstan azamattyǵyn saqtap qalǵan jáne shetelge turaqty turýǵa kóshken hazamattar zeinetaqy tólemderin alý quqyǵynan aiyrylmaidy. Bul týraly Bas prokýratýra málimdedi, dep habarlaidy dalanews.kz.
Vedomstvonyń málimetinshe, qoldanystaǵy zańnamada Qazaqstan azamattarynyń el aýmaǵynda turaqty turýy zeinetaqy tólemderin alýdyń mindetti sharty retinde qarastyrylmaǵan. Soǵan qaramastan, birqatar azamattarǵa zeinetaqy tóleýden bas tartý jaǵdailary kezdesken.
Osyǵan bailanysty Bas prokýratýra Konstitýtsiialyq sotqa júginip, máseleniń zańdyq turǵydan qaralýyna bastamashy bolǵan.
Nátijesinde Konstitýtsiialyq sot Qazaqstan azamattyǵyn saqtaǵan adamdardyń turǵylyqty jerine qaramastan zeinetaqy tólemderin alý quqyǵy bar ekenin rastady.
Prokýratýra ókilderiniń aitýynsha, bul sheshim shetelde turaqty turatyn myńdaǵan qazaqstandyqtyń áleýmettik quqyqtaryn qorǵaýǵa múmkindik beredi.
Endi Qazaqstan azamattary shetelde tursa da, zańda kózdelgen talaptarǵa sáikes zeinetaqy tólemderin alýdy jalǵastyra alady.
