قازاقستان ازاماتتىعىن ساقتاپ قالعان جەنە شەتەلگە تۇراقتى تۇرۋعا كٶشكەن ھازاماتتار زەينەتاقى تٶلەمدەرٸن الۋ قۇقىعىنان ايىرىلمايدى. بۇل تۋرالى باس پروكۋراتۋرا مەلٸمدەدٸ, دەپ حابارلايدى dalanews.kz.
ۆەدومستۆونىڭ مەلٸمەتٸنشە, قولدانىستاعى زاڭنامادا قازاقستان ازاماتتارىنىڭ ەل اۋماعىندا تۇراقتى تۇرۋى زەينەتاقى تٶلەمدەرٸن الۋدىڭ مٸندەتتٸ شارتى رەتٸندە قاراستىرىلماعان. سوعان قاراماستان, بٸرقاتار ازاماتتارعا زەينەتاقى تٶلەۋدەن باس تارتۋ جاعدايلارى كەزدەسكەن.
وسىعان بايلانىستى باس پروكۋراتۋرا كونستيتۋتسييالىق سوتقا جٷگٸنٸپ, مەسەلەنٸڭ زاڭدىق تۇرعىدان قارالۋىنا باستاماشى بولعان.
نەتيجەسٸندە كونستيتۋتسييالىق سوت قازاقستان ازاماتتىعىن ساقتاعان ادامداردىڭ تۇرعىلىقتى جەرٸنە قاراماستان زەينەتاقى تٶلەمدەرٸن الۋ قۇقىعى بار ەكەنٸن راستادى.
پروكۋراتۋرا ٶكٸلدەرٸنٸڭ ايتۋىنشا, بۇل شەشٸم شەتەلدە تۇراقتى تۇراتىن مىڭداعان قازاقستاندىقتىڭ ەلەۋمەتتٸك قۇقىقتارىن قورعاۋعا مٷمكٸندٸك بەرەدٸ.
ەندٸ قازاقستان ازاماتتارى شەتەلدە تۇرسا دا, زاڭدا كٶزدەلگەن تالاپتارعا سەيكەس زەينەتاقى تٶلەمدەرٸن الۋدى جالعاستىرا الادى.
