«Qazaqstan temir joly» UK» AQ-y Basqarma Tóraǵasynyń orynbasary Serik Ábdenov qyzmetkerlerdiń eńbek qaýipsizdigin qamtamasyz etetin bazalyq jabdyqtarmen tolyq qamtamasyz etý máselesine barynsha kóńil bólip, basshylyqtyń nazaryn aýdaryn keledi.
– Búgingi tańda bizdiń qyzmetkerlerdiń eńbek qaýipsizdigin qamtamasyz etetin bazalyq máselerdi sheship, qarapaiym temirjolshylarǵa qajetti jekelgen qorǵanys jabdyqtarymen jáne arnaiy kiim men aiaq kiimderimen qamtamasyz etýdiń mańyzy zor. Bul máseleler uzaq jyldardan beri óziniń ózektiligin joiǵan emes, eńbek qaýipsizdigine qatysty máselelerdiń bárin jedel túrde sheshý qajet, – dedi Serik Ábdenov.
Búginde temir jol salasynda qaýipsizdikke qatysty eń tańdaýly is-tájiribeler Qazaqstanda jáne ózge de alys-jaqyn elderde qoldanylýda. Temir joldaǵy eńbek qaýipsizdigin saqtaý isi jumysshylardyń mentaliteti men tehnikalyq qural-jabdyqtaryna, kerek deseńiz klimatty jaǵdaiǵa táýeldi bolmaýy kerek.
Temir jol salasyndaǵy eńbek qaýipsizdigin saqtaýǵa qatysty zańnama da sońǵy ýaqytta barynsha jetile tústi. Aitalyq, eńbek qaýipsizdigin qamtamasyz etýge baǵyttalǵan zań – tehnikalyq qyrynan jáne memlekettiń baqylaýdy qamatmasyz etý jaǵynyan tolyqtai jetilgen dep nyq senimmen aitýǵa bolady. Taǵy da aita tússek, zańnamany jetildirý kezinde eń tańdaýly halyqaralyq standarttar basshylyqqa alynǵany belgili. Osy rette buǵan deiingi eńbek qaýipsizdigine qatysty zańnamada eńbek ujymyna tiisinshe kóńil bólinbedi ma degen suraq týyndaityny anyq.
Sońǵy ýaqyttary eńbek qaýipsizdigine qatysty máseleler S. Ábdenoa bastaǵan top-menedjerler men ulttyq kompaniianyń ózge basshylary barynsha kóńil bólip, bul baǵyttaǵy jumystarǵa serpin berip keledi. Osyndai qajyrly jumystyń arqasynda memlekettik baqylaýshy organdar elimizdegi eń iri jumys berýshi kompaniia eńbek qaýipsizdigin saqtaýda joǵary standarttarǵa jaýap beretinin moiyndap, ózderiniń joǵary baǵasyn bere bastady.
Eńbek qaýipsizdigin saqtaý – tiisti ishki tártiptiń negizinde jazylǵan talaptardy útir, núktesine deiin oryndaý ǵana emes, sonymen qatar kez kelgen qyzmetker jumys algoritmin jáne ózi men jolaýshylardyń qaýipsizdigin saqtap, jumysyna júrdim-bardym qarmaýy mańyzdy. Budan basqa qaýipsizdik – órtke qarsy, apatty-qutqarý, ekologiialyq, gigienalyq kerek deseńiz qaldyqtardy retteý isimen de tikelei bailanysyp jatqan keshendi másele desek artyq aitqandyq bolmas edi.
Búginde «Qazaqstan temir joly» UK» AQ-y Basqarma Tóraǵasynyń orynbasary Serik Ábdenovtyń basshylyǵymen eńbek qaýipsizdigin saqtaý isimen tikelei sabaqtasyp jatqan isterge temirjolshylar airyqsha mán berýde. Iá, bul salada uzaq jyldar boiy kóptegen máseleler qordalanǵanyp qaldy, biraq qazirgi tańda barlyq máseleler kezeń-kezeńimen sheshilip, jumys alǵa basyp keledi.
