«قازاقستان تەمىر جولى» ۇك» اق-ى باسقارما ءتوراعاسىنىڭ ورىنباسارى سەرىك ابدەنوۆ قىزمەتكەرلەردىڭ ەڭبەك قاۋىپسىزدىگىن قامتاماسىز ەتەتىن بازالىق جابدىقتارمەن تولىق قامتاماسىز ەتۋ ماسەلەسىنە بارىنشا كوڭىل ءبولىپ، باسشىلىقتىڭ نازارىن اۋدارىن كەلەدى.
– بۇگىنگى تاڭدا ءبىزدىڭ قىزمەتكەرلەردىڭ ەڭبەك قاۋىپسىزدىگىن قامتاماسىز ەتەتىن بازالىق ماسەلەردى شەشىپ، قاراپايىم تەمىرجولشىلارعا قاجەتتى جەكەلگەن قورعانىس جابدىقتارىمەن جانە ارنايى كيىم مەن اياق كيىمدەرىمەن قامتاماسىز ەتۋدىڭ ماڭىزى زور. بۇل ماسەلەلەر ۇزاق جىلداردان بەرى ءوزىنىڭ وزەكتىلىگىن جويعان ەمەس، ەڭبەك قاۋىپسىزدىگىنە قاتىستى ماسەلەلەردىڭ ءبارىن جەدەل تۇردە شەشۋ قاجەت، – دەدى سەرىك ابدەنوۆ.
بۇگىندە تەمىر جول سالاسىندا قاۋىپسىزدىككە قاتىستى ەڭ تاڭداۋلى ىس-تاجىريبەلەر قازاقستاندا جانە وزگە دە الىس-جاقىن ەلدەردە قولدانىلۋدا. تەمىر جولداعى ەڭبەك قاۋىپسىزدىگىن ساقتاۋ ءىسى جۇمىسشىلاردىڭ مەنتاليتەتى مەن تەحنيكالىق قۇرال-جابدىقتارىنا، كەرەك دەسەڭىز كليماتتى جاعدايعا تاۋەلدى بولماۋى كەرەك.
تەمىر جول سالاسىنداعى ەڭبەك قاۋىپسىزدىگىن ساقتاۋعا قاتىستى زاڭناما دا سوڭعى ۋاقىتتا بارىنشا جەتىلە ءتۇستى. ايتالىق، ەڭبەك قاۋىپسىزدىگىن قامتاماسىز ەتۋگە باعىتتالعان زاڭ – تەحنيكالىق قىرىنان جانە مەملەكەتتىڭ باقىلاۋدى قاماتماسىز ەتۋ جاعىنىان تولىقتاي جەتىلگەن دەپ نىق سەنىممەن ايتۋعا بولادى. تاعى دا ايتا تۇسسەك، زاڭنامانى جەتىلدىرۋ كەزىندە ەڭ تاڭداۋلى حالىقارالىق ستاندارتتار باسشىلىققا الىنعانى بەلگىلى. وسى رەتتە بۇعان دەيىنگى ەڭبەك قاۋىپسىزدىگىنە قاتىستى زاڭنامادا ەڭبەك ۇجىمىنا تيىسىنشە كوڭىل بولىنبەدى ما دەگەن سۇراق تۋىندايتىنى انىق.
سوڭعى ۋاقىتتارى ەڭبەك قاۋىپسىزدىگىنە قاتىستى ماسەلەلەر س. ابدەنوا باستاعان توپ-مەنەدجەرلەر مەن ۇلتتىق كومپانيانىڭ وزگە باسشىلارى بارىنشا كوڭىل ءبولىپ، بۇل باعىتتاعى جۇمىستارعا سەرپىن بەرىپ كەلەدى. وسىنداي قاجىرلى جۇمىستىڭ ارقاسىندا مەملەكەتتىك باقىلاۋشى ورگاندار ەلىمىزدەگى ەڭ ءىرى جۇمىس بەرۋشى كومپانيا ەڭبەك قاۋىپسىزدىگىن ساقتاۋدا جوعارى ستاندارتتارعا جاۋاپ بەرەتىنىن مويىنداپ، وزدەرىنىڭ جوعارى باعاسىن بەرە باستادى.
ەڭبەك قاۋىپسىزدىگىن ساقتاۋ – ءتيىستى ىشكى ءتارتىپتىڭ نەگىزىندە جازىلعان تالاپتاردى ءۇتىر، نۇكتەسىنە دەيىن ورىنداۋ عانا ەمەس، سونىمەن قاتار كەز كەلگەن قىزمەتكەر جۇمىس الگوريتمىن جانە ءوزى مەن جولاۋشىلاردىڭ قاۋىپسىزدىگىن ساقتاپ، جۇمىسىنا ءجۇردىم-باردىم قارماۋى ماڭىزدى. بۇدان باسقا قاۋىپسىزدىك – ورتكە قارسى، اپاتتى-قۇتقارۋ، ەكولوگيالىق، گيگيەنالىق كەرەك دەسەڭىز قالدىقتاردى رەتتەۋ ىسىمەن دە تىكەلەي بايلانىسىپ جاتقان كەشەندى ماسەلە دەسەك ارتىق ايتقاندىق بولماس ەدى.
بۇگىندە «قازاقستان تەمىر جولى» ۇك» اق-ى باسقارما ءتوراعاسىنىڭ ورىنباسارى سەرىك ابدەنوۆتىڭ باسشىلىعىمەن ەڭبەك قاۋىپسىزدىگىن ساقتاۋ ىسىمەن تىكەلەي ساباقتاسىپ جاتقان ىستەرگە تەمىرجولشىلار ايرىقشا ءمان بەرۋدە. ءيا، بۇل سالادا ۇزاق جىلدار بويى كوپتەگەن ماسەلەلەر قوردالانعانىپ قالدى، ءبىراق قازىرگى تاڭدا بارلىق ماسەلەلەر كەزەڭ-كەزەڭىمەن شەشىلىپ، جۇمىس العا باسىپ كەلەدى.
