Astanadaǵy intellektýaldy beinebaqylaý júiesi “Sergek” jańa operatorǵa aýysady. Júieni ázirleýshi kompaniia men qala ákimdigi arasyndaǵy memlekettik-jekemenshik áriptestik (MJÁ) kelisimshartynyń merzimi aiaqtaldy. Bul kelisim qaita jasalmaidy, dep habarlaidy Dalanews.kz Bes.media-ǵa siltep.
Máslihat depýtattary jańa operator retinde Birikken Arab Ámirlikteriniń (BAÁ) Presignt kompaniiasyn bekitti. Ol aldaǵy bes jylda qaladaǵy beinebaqylaý júiesin basqaratyn bolady.
Presignt kompaniiasy 2025-2030 jyldar aralyǵynda Astanadaǵy jańa “Smart City” jobasyn iske asyrýǵa kirisedi. Joba quny 53 milliard teńge, bul qarjy tolyqtai jeke investor esebinen jumsalady. Jobada qazaqstandyq kompaniialardyń úlesi 60% bolmaq.
Jańa operator óz qarajaty esebinen beinebaqylaý infraqurylymyn jańǵyrtyp, qaýipsizdikti kúsheitýge mindetteledi. Kompaniia kelisimshart boiynsha tólemderdi tek jobany tolyq iske qosqannan keiin ǵana alady.
Presignt mindettemeleri:
- 10 000 jańa beinebaqylaý kamerasyn ornatý;
- 502 zamanaýi apparattyq-baǵdarlamalyq keshenderdi joldarǵa ornatý;
- 8 000 kamerany terrorizmge osal nysandarǵa (jekemenshik mektepter men balabaqshalar, vokzaldar, áýejai, LRT) integratsiialaý;
- Barlyq júieni turaqty elektr qýatymen qamtamasyz etý;
- Talshyqty-optikalyq bailanys arnalary arqyly qosylýdy uiymdastyrý;
- Derekterdi óńdeý ortalyǵyn qurý;
- Qalalyq kommýnaldyq qyzmetterge arnalǵan biryńǵai sitýatsiialyq ortalyqty uiymdastyrý.
Jańa jobanyń basty maqsaty – 100% qoǵamdyq oryndardy beinebaqylaýmen qamtý jáne jol-kólik qaýipsizdigin arttyrý. Jasandy intellekt qaladaǵy kólik qozǵalysyn tiimdi retteýge kómektesedi, al úlken derekterdi taldaý ýrbanistikalyq protsesterdi ońtailandyrady.
Júieniń qaýipsizdigine erekshe kóńil bólinbek. Beinebaqylaý derekterine qoljetimdilik UQK jáne Memlekettik kúzet qyzmetiniń baqylaýynda bolady.
