Serbiiada Qazaqstan azamaty qaza tapty. Qazaqstannyń Syrtqy ister ministrligi oqiǵanyń mán-jaiyn anyqtap jatyr, dep habarlaidy dalanews.kz.
Áleýmettik jelide taraǵan aqparatqa sáikes qyz Belgradtaǵy turǵyn úilerdiń biriniń altynshy qabatynan qulaǵan.
Qazaqstannyń Syrtqy ister ministrligi onyń qaza tapqanyn rastady. Vedomstvo oqiǵanyń barlyq mán-jaiy anyqtalyp jatqanyn málimdedi.
Qazaqstannyń Serbiiadaǵy elshiligi jergilikti quqyq qorǵaý organdarymen birlesip jumys istep jatyr. Sondai-aq, qaza tapqan qyzdyń týystarymen bailanys ornatyp, olarǵa konsýldyq-quqyqtyq kómek kórsetip jatyr.
Threads jelisinde jariialanǵan beineúndeýde qyzdyń ákesi qyzynyń ólimine qatysty suraqtar bar ekenin aityp, qandai da bir aqparat biletin azamattardy habarlasýǵa shaqyrǵan.
Ákesiniń sózinshe, oqiǵaǵa qyzy aralasqan jigittiń qatysy bolýy múmkin. Alaida ol bul boljamyn rastaityn eshqandai dálel keltirmegen. Resmi organdar da bul aqparatty rastaǵan joq.
