Astana Team balalar hokkei komandasy Kanadada top jardy, dep habarlaidy Dalanews.kz.
Prezident Astana Team balalar hokkei komandasyn Kanadada ótken Quebec International Pee-Wee Hockey Tournament halyqaralyq jarysynda jeńiske jetýimen quttyqtady.
Memleket basshysy qazaqstandyq klýbtyń sensatsiialyq jetistigi otandyq sporttaǵy aitýly ýaqiǵa ekenin atap ótti. Qasym-Jomart Toqaev joǵary sheberlik deńgeii men jeńiske degen ynta-jigerin pash etip, aqtyq synda hokkeidiń otany sanalatyn kanadalyqtardan basym túsken órenderimizge rizashylyǵyn jetkizdi.
Prezident jas hokkeishilerge tabandy túrde jattyǵyp, kúsh-qairattaryn shyńdap, budan da biik asýlardy baǵyndyrýyna tilektestik bildirdi.
