Senat depýtaty Naýryzbai Baiqadamov Qyzylorda oblysy men Ózbekstan shekaralas aimaǵy arasynda jańa avtojol salý máselesin kóterdi, dep habarlaidy Dalanews.kz
Onyń aitýynsha, qazirgi tańda bul óńirler arasynda tikelei avtokólik jolynyń bolmaýy saýda-sattyq, týrizm jáne mádeni bailanystardyń damýyn tejep otyr. Eger jańa tas jol salynsa, jol júrý ýaqyty qysqaryp, ekonomikalyq yntymaqtastyq artar edi.
1 330 shaqyrymnyń ornyna – qysqa jol
Búginde eki óńirdiń turǵyndary Qyzylordadan Ózbekstan shekarasyna jetý úshin 1 330 shaqyrym jol júrýge májbúr. Jańa avtojol bul qashyqty myń shaqyrymǵa qysqartyp, eldiń soltústigi men shyǵysyna, sondai-aq kórshiles memleketterge qatynaýdy jeńildetedi.
"Bul bastama kólik qatynasyn jaqsartyp qana qoimai, óńirdegi týrizmniń damýyna da tyń serpin beredi", – dedi senator.
Ol jobany sozbai, tez arada júzege asyrýdy usyndy.
"Ózbekstan ózge memleketter arqyly jańa joldardy damytyp úlgermei turǵanda, Úshqudyq – Qyzylorda baǵyty boiynsha avtojol qurylysyn qolǵa alýymyz qajet. Áitpese, jahandyq básekelestik jaǵdaiynda utylyp qalýymyz múmkin", – dep atap ótti Baiqadamov.
Aldyn ala esepteýler boiynsha, jańa joldyń qurylysyna 125,3 mlrd teńge qajet.
