Senattyń jalpy otyrysynda Darhan Qydyráli depýtattyq saýalyn Úkimet basshysy men Bas prokýrorǵa joldady, - dep habarlaidy Dalanews.kz inbusiness.kz-ke siltep.
"Álem chempionatynda tórelik etetin bir tóreshi shyǵara almadyq" degen ol federatsiianyń beiqamdyǵyna alańdaýly.
– Sońǵy kezderi qazaq fýtboly tóńireginde daý kóbeiip ketkeni belgili. Biylǵy el chempionaty el táýelsizdigi jyldaryndaǵy eń daýly maýsymnyń biri retinde tarihta qalatyn siiaqty.
Mysaly, sońǵy minýttarda belgilengen penalti arqyly taǵdyry sheshilgen "Atyraý" - "Aqtóbe", "Atyraý" - "Astana" fýtbol klýbtary arasyndaǵy matchtar qoǵamda úlken rezonans týdyrdy.
Áitse de, jankúierlerdiń ashý-yzasyn týdyrǵan tóreshiler týraly sheshim qabyldanǵanyn kórmedik. Selt etken federatsiiany da baiqamadyq. Munda jeń ushynan jalǵasqan sybailastyq jatqan joq pa?
Qazirgi tańda federatsiia aiasyndaǵy matchtarǵa 155 tóreshi qyzmet etedi eken. Alaida, olardy oqytý baǵytyndaǵy jumystar kóńil kónshitpeidi. Álem chempionatynda tórelik etetin bir tóreshi shyǵara almaýymyz – sonyń kórinisi, - dep ashyndy D.Qydyráli.
