– Kóptegen synı pikirlerge qaramastan taldaý jáne saraptaý barysynda az ǵana ýaqyt ishinde qyrýar jumys jasalǵanyna kóz jetkizdik. Atalmysh jobanyń arqasynda qazaqstandyq gýmanıtarlyq bilim mazmuny tolyqtaı jańaryp, jańa deńgeıge kóterildi, – dedi senator.
Senat depýtaty «100 jańa oqýlyq» jobasyn «Bolashaq» baǵdarlamasynyń aýqymdy jalǵasyna teńedi. Atalmysh baǵdarlama aıasynda osy ýaqytqa deıin qazaq tilinde bolmaǵan, múlde jańa salalardy tanystyrdy.
«Sondyqtan da elimizdigi joǵary oqý oryndarynda oqıtyn stýdentterdiń 70%-y memlekettik tilde bilim alatyndyǵyn eskere otyryp, joba aıasynda jınaqtalǵan qyrýar bilim men tájirıbeni joǵaltyp almaý úshin elimizdegi ǵylymı jáne kórkem aýdarma jumysyn jalǵastyrý qajet dep sanaımyz» - dedi Murat Baqtıaruly.
Depýtat qazaq tilindegi «100 jańa oqýlyq» jobasy «Jańa bilim» degen jalpy ataýmen jalǵasýy tıis dep esepteıdi. Jáne onyń aýqymyn keńeıtý maqsatynda jyl saıyn aýdarylyp basylatyn kitaptar taqyrybyn úsh negizgi baǵyt: joǵary oqý oryndaryna arnalǵan oqý quraldary, álemdik kórkem ádebıet úlgileri, pýblısısıkalyq jáne iskerlik ádebıet úlgileri boıynsha toptastyrýdy usynyp otyr.
Osy ýaqytqa deıin «Rýhanı jańǵyrý» baǵdarlamasynyń negizgi tarmaqtarynyń biri «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda 2017 jyldan beri 77 oqýlyq aýdarylyp oqý oryndaryna taratylǵan bolatyn. Qalǵan 23 oqýlyqty aýdarý, basý jáne taratý jumystary bıylǵy jyldyń aıaǵyna deıin aıaqtaý josparlanyp otyr.
