Qazaqstanda úleskerlerdiń quqyqtaryn qorǵaý sharalary kúsheitilýde. Búgin Senat "Qazaqstan Respýblikasynyń keibir zańnamalyq aktilerine turǵyn úi qurylysyna, avtomobil joldary men invataksige úlestik qatysý máseleleri boiynsha ózgerister men tolyqtyrýlar engizý týraly" zańdy maquldady. Ondaǵy jańashyldyqtyń biri - endi úi satyp alý kezinde esep-aiyrysý qolma-qol aqshamen júrgizilmeitin bolady, dep habarlaidy Dalanews.kz.
Bul aradaǵy basty maqsat - úleskerlerdiń quqyqtaryn qorǵaý sharalaryn kúsheitý, úlestik qurylys salasynda tártip ornatý jáne áleýmettik mańyzy bar qyzmetterdiń qoljetimdiligin arttyrý.
Zańdaǵy jańashyldyqtar:
- Barlyq úlestik qatysý sharttaryn biryńǵai aqparattyq júiede mindetti túrde tirkei otyryp, jazbasha jáne elektrondyq nysanda jasaýǵa ruqsat etiledi;
- Shartta úleskerlerdiń aqshasyn tartýǵa ruqsat etilgen kúni men nómiri mindetti túrde kórsetilýi tiis;
- Qurylysqa ruqsaty nemese biryńǵai operatordan alynǵan kepildigi joq obektiler boiynsha ipotekalyq nesie tirkeýge jáne tólemderdi qabyldaýǵa tyiym salynady;
- Ruqsaty joq qurylys nysany boiynsha aldyn ala kelisimsharttar jasaýǵa jáne ony jarnamalaýǵa tyiym salynady,
- Barlyq aqshalai esep aiyrysýlartek qolma-qol aqshasyz júrgizilýi tiis;
- Úi salý qurylysyn uzartý merzimi 9 aidan 5 aiǵa deiin qysqartyldy;
- Qurylys salýshylardyń eń tómengi tájiribesi 5 jyldan 3 jylǵa deiin jáne salynǵan turǵyn úi alańyna qoiylatyn talaptar tómendetildi - biraq belgili bir sharttar oryndalǵan jaǵdaida ǵana (mysaly, karkasy aiaqtalǵanda nemese banktiń/biryńǵai operatordyń qatysýy bolǵanda);
- Shaǵyn qabatty qurylys (sonyń ishinde jeke turǵyn úi keshenderi) nysandary da endi úlestik turǵyn úi qurylysyna qatysa alady;
- Qurylysshylardy tekserý jáne olar týraly keńes alý úshin Úleskerlerdi qoldaý ortalyǵy qurylady.
Sondai-aq atalǵan zańda avtojoldardyń sapasyn jaqsartý sharalary qarastyrylǵan:
- jol materialdaryn esepke alýdyń biryńǵai júiesi qurylady;
- merdigerler biliktiligin arttyrýǵa mindetteledi.
Sondai-aq áleýmettik qyzmetter portaly arqyly múgedektigi bar adamdardy (invataksi) tasymaldaý boiynsha tsifrlyq servis qoldanysqa engiziledi. Jetkizýshiler bolmaǵan jaǵdaida qyzmet memlekettik satyp alý arqyly kórsetiletin bolady.
