Qazaqtyń toiy búginde syrt eldiń ánshilerin magnittei tartyp tur. Kýbalyq záńgiler, qyzýqandy italiiandyqtar qazaqtyń bir-eki ánin úirenip, qazaq ánshileriniń yrysyna ortaqtasyp, qazaqty súlikshe sora bastaǵanyna biraz jyldyń júzi boldy. Qazaqtyń toiy óz ánshilerimizdiń yrysy. Oǵan sheteldiń ánshisymaqtarynyń qol suǵýyna QR Mádeniet jáne sport ministrligi jol bermeýi kerek edi. Buǵan bei-jai qaraýǵa bolmaidy. Eger osylai enjarlyq tanyta beretin bolsaq, aldaǵy ýaqytta janaza shyǵarýǵa syrttan molda-qoja shaqyrýymyz múmkin.
Taiaýda
KTK telearnasyndaǵy «Nasha pravda» baǵdarlamasyna qonaqqa kelgen Son Paskal degen ánshiniń qazaqty qanshalyqty syilaitynyn kórip, kózimiz tostaǵandai boldy. Úiinde otyrǵandai aiaqty asyp tastap, áńgime aitqanda Qazaqstandy qanshalyqty jaman úige ainaldyryp alǵanymyzdy kórip, ishimiz ýdai ashydy. Munyń shegi bolýy kerek. Arystanbek myrza barsha jurtty ysyrapshylyqqa uryndyryp, áleýmettik kúizeliske túsirgen toiǵa tyiym salatyn zań daiyndaýy kerek. Eger oǵan shamasy jetpese, kazaqtyń toiynan aqshany kúrep taýyp júrgen sheteldiń ánshilerine salyq salyp, tapqan tabysymen bólisýdiń amalyn qarastyrsyn. Eger bulaisha jalpaqshesheilikke salyna bersek, bir kúni Son Paskalǵa mádeniet qairatkeri ataǵan tapsyrýymyz da múmkin. Sol kezde Paskalińiz bizge qalai án salýdyń jón josyǵyn úirete bastaityn bolady.
Búginde ǵalamdasýdyń igiligin kórip otyrǵan ózge eldiń ánshileriniń áni elimizdegi kafe, meiramhanalarda shyrqalǵan ánderi úshin avtorlyq quqyqty alǵa tartyp, aqshasyn alyp júr ǵoi. Sol siiaqty bizde olarmen zaman talaptaryn alǵa tartyp, bailanys ornatqanymyz lázim. Prezidenttiń ózi otandyq ónimdi qoldaý týrasynda arnaiy tapsyrma bergeni belgili. Bul másele tek qana ekonomikaǵa ǵana qatysty bolmaýy kerek. Arystanbek Muhamediiauly ózge eldiń ánshilerine salyq salý máselesin kóterip, biýdjettiń búiirin shyǵarýǵa úles qosýy tiis.
Shetel ánshileri Qazaqstanǵa nege úiir? Olar qazaqtyń aqshasy men qyzdaryna qyzyǵady. Biraq olar osy bir oilaryn biik ónermen búrkemelei beretinin bárimiz bilemiz.
Endi negizgi áńgimemizge qaita oralsaq, óz basym Son Paskaldi ánshi dep atamas edim. Gitarasyn dyńǵyrlatyp, toishyl qazaqtyń qaltasyn qaǵyp júrgen qýaiaq dep ataǵan jón shyǵar. Eger ol ánshi bolsa aldymen óziniń Italiiasyn moiyndatyp alsyn. Sodan keiin Qazaqstannyń tabaldyryǵyn attaǵany jón bolar edi. Búgingi jahandaný dáýiri osyndai diýanalardyń el aralap, qulaqty teser álaýlaimen saýyqshyl jurttyń kóńilin aýlap, qaltasyn qaǵýǵa qolaily sát bolyp tur ǵoi. Al solardyń shashbaýyn kóterýshiler qazaq óneri jahandanyp, jańa biikke kóterildi dep ańqaý eldi odan beter adastyrýda.
Son Paskal Qazaqstannyń shoý-biznesiniń kóshin órge súirep, jańa deńgeige (Paskalda deńgei bar ma edi) kóterdi dep aitýǵa aýzyń barmaidy. Ol qazaq ónerin óshirmese, ósirmeitini anyq. Italiia men Britaniiadan tiianaq tappaǵan (olar mundai diýanany qaitsin) Paskalińiz Qazaqstannan ózi ańsaǵan «jeruiyǵyn» tapqandai. Birdi-ekili filmge túsip, azdy-kópti tanymaldyqqa ie bolǵan Ánýar Nurpeiisov degen ne ánshi, ne akter ekeni belgisiz bir jigit bar. Kóńili qalmasyn, óner adamy dep aitaiyqshy (Paskalǵa enshilep bergen ataqty Ánýardan aiaimyz ba?). Sol myń bolǵyr osy Son Paskaldy iyn iektetkendei iektep, elimizge úiir qylyp, tegin prodiýserlik qyzmetin usynyp júrse kerek. Shamasy Ánýar ánshilik pen akterlikten tappaǵan tiianaqty Son Paskaldy baptap tabýdy kózdese kerek (shyndyǵynda Ánýardyń ózine bir prodiýser kerek-aý). Italiianyń mańdaiyna syimaǵan seri jigit jarty álemnen tappaǵan prodiýserin Qazaqstannan tapqanyna tańǵaldyq. Paskal paqyryńyzdyń shyryldaýyq shegirtke siiaqty án salyp júrgenine biraz ýaqyttyń júzi boldy. Biraq jurttyń nazaryn aýdaratyndai hit ánder týdyryp, jurtty dúr etkizgenin kórmedik. Ol qazaq shoý-biznesinde betegeden biik, jýsannan alasa bolyp, talai toiǵa qatysyp, talai qara kózderimizge kózin súzgeni anyq. Osy rette myna bir máseleniń betin ashyp alǵan jón shyǵar. Shetel ánshileri Qazaqstanǵa nege úiir? Olar qazaqtyń aqshasy men qyzdaryna qyzyǵady. Biraq olar osy bir oilaryn biik ónermen búrkemelei beretinin bárimiz bilemiz.
Birdi-ekili filmge túsip, azdy-kópti tanymaldyqqa ie bolǵan Ánýar Nurpeiisov degen ne ánshi, ne akter ekeni belgisiz bir jigit bar. Kóńili qalmasyn, óner adamy dep aitaiyqshy (Paskalǵa enshilep bergen ataqty Ánýardan aiaimyz ba?). Sol myń bolǵyr osy Son Paskaldy iyn iektetkendei iektep, elimizge úiir qylyp, tegin prodiýserlik qyzmetin usynyp júrse kerek. Shamasy Ánýar ánshilik pen akterlikten tappaǵan tiianaqty Son Paskaldy baptap tabýdy kózdese kerek (shyndyǵynda Ánýardyń ózine bir prodiýser kerek-aý).
Qazaqtyń tobyqtan uryp, súrindiretin álsiz jerlerin aidai álemge kórsetýdi maqsat tutqan «Nasha pravda» baǵdarlamasynda Son Paskalińiz qazaq shoý-biznesin órge súirep júrgen Baian Esentaevamen sóz talastyryp, sońynda stýdiiadan qýylǵanyna kýá boldyq. Baianymyz aiaqty asyp tastaǵan ánshisymaqqa eskertý jasap, sheteldik ánshini qatty renjitip alǵany belgili. Óz kezeginde óz dúniesinen góri ózgeniń qańsyǵyn artyq kóretin birshama jastar Son Paskaldy jaqtap sóilegenin kórgende áli biraz ýaqytqa deiin sheteldiń ánshisymaqtaryna jem bolatynymyzdy baiqap, zyǵyrdanymyz qainady. Osy rette QR Mádeniet jáne sport ministri Arystanbek aǵamyz arystandai aqyryp, Son Paskaldy Qazaqstandy syilamaǵany úshin elden qýyp shyqsa qandai jarasymdy bolar edi. Sonda el bolyp Arekeńdi arystanǵa teńer edik.
Nurlan JUMAHAN.
