Italiia biligi Resei elshisin narazylyq belgisi retinde shaqyrtty, dep habarlaidy Dalanews.kz.
Buǵan reseilik telejúrgizýshi Vladimir Soloviovtiń el premer-ministri Djordjiia Melonige qatysty aitqan aýyr sózderi sebep bolǵan. Bul týraly Italiianyń syrtqy ister ministri Antonio Taiani málimdedi.
Ministrdiń aitýynsha, reseilik telearna efirinde Vladimir Soloviov Djordjiia Melonige baǵyttalǵan óreskel pikir aitqan.
Efirdiń bir bóliginde ol italian tilinde balaǵat sózder qoldanyp, premer-ministrdi túrli aýyr sózdermen qorlaǵan. Sonymen qatar, Djordjiia Melonidi qatań synǵa alyp, ony sailaýshylaryn aldady dep aiyptaǵan.
Rim bul jaǵdaidy diplomatiialyq ádepke qaishy dep baǵalap, resmi túrde narazylyq bildirgen.
