Partıa tóraǵasynyń orynbasary Berik Dúısembınov partıa saıası baǵdarlamasynyń alty basym baǵytyn atady: Táýelsizdik pen «Alash» ulttyq ıdeıasy, demokratıa men parlamentarızm, sybaılas jemqorlyq jáne de-ofshorızasıamen kúres, áleýmettik ádilettilik, naryqtyq ekonomıka jáne kásipkerlikti qoldaý, syrtqy saıasat. Ol sybaılas jemqorlyqpen kúreske qatysty máselege egjeı-tegjeıli toqtalyp, «Aq jol» demokratıalyq partıasy qylmystyq-atqarý júıesinde jazasyn ótep jatqan jemqor sheneýnikterdi shartty túrde merziminen buryn bosatýǵa zań júzinde tyıym salý qajet dep sanaıtynyn aıtty.
«Aq jol» depýtattary 2019 jyldan beri bul usynysty birneshe ret engizdi, 2020 jyly mundaı norma Qazaqstan Respýblıkasynyń Qylmystyq kodeksinde, biraq aýyr jáne asa aýyr sybaılas jemqorlyq qylmystarǵa qatysty ǵana qabyldandy. Bul jetkiliksiz dep esepteımiz jáne barlyq jemqor sheneýnikterdi shartty túrde merziminen buryn bosatýǵa tyıym salýdy talap etemiz.
Sonymen qatar, ádil saılaý máselesi kóterildi. «Aqjoldyqtar» muǵalimderdi bógde jumysqa tartýǵa tyıym salý, muǵalimderdiń saılaý komısıalaryna qatysýyn shekteý, QQS-tyń saralanǵan mólsherlemelerin engizý, ınflásıamen kúres, ıpotekalyq nesıeniń joǵary paıyzdyq mólsherlemesi týraly aıtty.
Kandıdattar «Aq jol» demokratıalyq partıasy úkimet quramyn memleket basshysy emes, parlamenttik saılaýda jeńiske jetken partıa jasaqtap, ony prezıdenttiń bekitýine usynyp, sol úkimettiń jetistikteri men sátsizdikterine jaýapty bolýy kerek dep sanaıtynyn eske saldy.
Jınalǵandar zeınet jasyn tómendetý, áleýmettik baspanaǵa qatysty suraqtar qoıdy. Sondaı-aq, Úkimet aldynda aýyl sharýashylyǵyn qoldaý máselesin kóterýdi surady. Qyzmetkerler aqjoldyq kandıdattarǵa kezdesý úshin alǵys aıtyp, qoldaý bildirdi.
Respýblıkalyq shtab músheleri saılaýshylardyń sózderi men usynystaryn nazarǵa aldy.
*Materıaldyń aqysy «Aq jol» demokratıalyq partıasynyń saılaý qorynan tólendi.
