Partiia tóraǵasynyń orynbasary Berik Dúisembinov partiia saiasi baǵdarlamasynyń alty basym baǵytyn atady: Táýelsizdik pen «Alash» ulttyq ideiasy, demokratiia men parlamentarizm, sybailas jemqorlyq jáne de-ofshorizatsiiamen kúres, áleýmettik ádilettilik, naryqtyq ekonomika jáne kásipkerlikti qoldaý, syrtqy saiasat. Ol sybailas jemqorlyqpen kúreske qatysty máselege egjei-tegjeili toqtalyp, «Aq jol» demokratiialyq partiiasy qylmystyq-atqarý júiesinde jazasyn ótep jatqan jemqor sheneýnikterdi shartty túrde merziminen buryn bosatýǵa zań júzinde tyiym salý qajet dep sanaitynyn aitty.
Sonymen qatar, ádil sailaý máselesi kóterildi. «Aqjoldyqtar» muǵalimderdi bógde jumysqa tartýǵa tyiym salý, muǵalimderdiń sailaý komissiialaryna qatysýyn shekteý, QQS-tyń saralanǵan mólsherlemelerin engizý, infliatsiiamen kúres, ipotekalyq nesieniń joǵary paiyzdyq mólsherlemesi týraly aitty.
Jinalǵandar zeinet jasyn tómendetý, áleýmettik baspanaǵa qatysty suraqtar qoidy. Sondai-aq, Úkimet aldynda aýyl sharýashylyǵyn qoldaý máselesin kóterýdi surady. Qyzmetkerler aqjoldyq kandidattarǵa kezdesý úshin alǵys aityp, qoldaý bildirdi.
Respýblikalyq shtab músheleri sailaýshylardyń sózderi men usynystaryn nazarǵa aldy.
*Materialdyń aqysy «Aq jol» demokratiialyq partiiasynyń sailaý qorynan tólendi.
