Ústimizdegi jyldyń 3 maýsymynda «Qazaqstannyń investitsiialyq qory» AQ men halyqaralyq «Kusto Group» kompaniialar tobyna kiretin «Semey Tannery» JShS Semei qalasyndaǵy teri óńdeý zaýytyn jalǵa alyp, artynsha satyp alý shartyna qol qoiǵan bolatyn.
Jańadan iske qosylǵan kásiporyn aldaǵy ýaqytta Qazaqstanda mal sharýashylyǵymen ainalysatyn sharýashylyqtarmen tyǵyz áriptestik qarym-qatynasta ornatyp, mal terilerin jinap, odan daiyn ónim shyǵarýdy kózdep otyr.
Qazirgi tańda zaýytta 60 adam turaqty jumyspen qamtylǵan. Olardyń kópshiligi kezinde osy óndiris oshaǵynda jumys istegen tehnikalyq mamandar ekenin aita ketýimiz kerek. Jergilikti turǵyndar áigili zaýyttyń qaita iske qosylyp, jurtty jumyspen qamtyǵanyna dán riza. Zaýyt basshylyǵy aldaǵy ýaqytta óndiris oshaǵy tolyq qýatynda jumys istegende zaýytta jumyskerleriniń sanyn 200-ge deiin artatynyn alǵa tartýda.
Zaýyttyń alǵashqy iske qosý jumystary sátti bastalyp, qazirdiń ózinde jalpy aýmaǵy 3000 sharshy/metrdi quraityn sapasy joǵary wet blue jartylai fabrikat ónimi alynǵanyn «Semey Tannery» seriktestiginiń atqarýshy direktory Rýslan Bisenov málim etti.
Aldaǵy ýaqytta óndiris oshaǵy tolyq kúsh-qýatynda jumys istegen jaǵdaida jylyna 1,7 mln sharshy/metr wet blue sapaly teri ónimin óndiretin bolady. Osy rette kásiporyn qajetti shikizat pen tereń óńdeýge qajetti himiialyq preparattardy elimiz ben kórshiles Reseiden jetkizip otyrǵandaryn tilge tiek ótti.
