Sáýletshiniń aitýynsha, Semeidegi Jamaqaev kóshesindegi keńistik qala ortalyǵyn jaǵalaýmen bailanystyratyn kúrejolǵa ainalady.
Bul joba qalada jaiaý adamdardyń barlyq qajetine yńǵaily bolady.
Jobada jaiaýlarǵa arnalǵan yńǵaily kóshe, oiyn jáne sport alańdary, velosiped jolaqtary, qoǵamdyq tamaqtaný oryndary, sáýletti shamdar, avtomatty sýarý júiesi qarastyrylǵan. Munda qala turǵyndarynyń qolaily demalysy úshin arnaiy oryndar salynady.
Kógaldandyrý jumystaryna erekshe kóńil bólinip otyr. Qoǵamdyq keńistikke ádemi kórinis berý úshin kópjyldyq gúlder egý josparlanǵan.
Atalǵan joba – Semei qalasynyń ekologiiasyn jaqsartý maqsatynda júzege asyrylyp jatqan taǵy bir mańyzdy qadam. Qazir qalada onnan astam qoǵamdyq keńistik abattandyrylyp jatyr.
